14 Shilde, 16:11 699 0 Áleýmet Anar LEPESOVA

42 500 teńgeni taǵaıyndaý jumystary qashan bastalatyny belgili boldy

Sýret ınternetten alyndy
Sýret ınternetten alyndy

QR Eńbek jáne halyqty áleýmettik qorǵaý mınıstri Birjan Nurymbetov 42 500 teńge áleýmettik tólemin taǵaıyndaý jumystary qashan bastalatynyn aıtty. 

«Osy joly da 42 500 teńge áleýmettik tóleminiń operatory retinde Memlekettik áleýmettik saqtandyrý qory belgilendi. Óıtkeni biz osy qordyń qarjylyq jaǵdaıy týraly «qazir shekteýi, qıyn» dep aıtqanbyz. Degenmen, búgin sheshim qabyldandy. Sondyqtan Úkimet Ulttyq bankpen birlesip, osy bir aptanyń ishinde sol áleýmettik qordyń qarjylyq máselesin sheshýi tıis»,- dedi mınıstr.

Birjan Nurymbetovtiń aıtýynsha, qordyń qarjylyq máselesi sheshilgenge deıin Eńbek mınıstrligi osy tólemge qatysty erejeni pysyqtamaq.

«Osy ýaqytta biz ózimizdiń aqparattyq júıemizdi, portaldarymyzdy sol erejege sáıkestendirip, testileýden ótkizemiz. Aıanbaı jumys isteımiz. Josparymyzǵa sáıkes, aldaǵy juma kúni portaldar ótinishterdi qabyldaýǵa daıyn bolady. Al dúısenbi kúnnen bastap, ıaǵnı 20 shildeden tólemderdi taǵaıyndaýǵa kirispekpiz. Sondyqtan osy jumaǵa deıin elektrondy Úkimetke jáne basqa jerlerge ótinish berip áýre bolmańyzdar», - dep túsindirdi vedomstvo basshysy.

Eske sala keteıik, keshe Memleket basshysy Qasym-Jomart Toqaev muqtaj jandarǵa shilde aıynda 42,5 myń teńge tólenetinin málimdegen bolatyn.

Úkimet basshysy Asqar Mamın ataýly áleýmettik kómekti qolda bar derekter negizinde aldyn ala júrgizýdi tapsyrdy. Premer-mınıstrdiń aıtýynsha, t ólem karantın sharalarynyń kúsheıtilýine baılanysty jumysy shektelgen jumys berýshilerdiń, jeke kásipkerlerdiń jáne ózin-ózi jumyspen qamtyǵandardyń ótinimi negizinde júrgiziledi.

 

Sońǵy jańalyqtar