14 Shilde, 15:36 676 0 Qoǵam Anar LEPESOVA

Balabaqshalar qashan ashylady – mınıstr jaýap berdi

Karantın rejımi aıaqtalǵansha mektepke deıingi uıymdar jumys istemeıdi. Bul týraly QR Bilim jáne ǵylym mınıstri Ashat Aımaǵambetov málimdedi. 

«Karantın merzimi sozylǵanyn bárimiz bilemiz. Soǵan sáıkes mektepke deıingi uıymdar jumys istemeıdi. Karantın ýaqyty aıaqtalǵanǵa deıin epıdemıologııalyq jaǵdaıǵa baılanysty sheshim qabyldanady. Sonyń ishinde mektepke deıin bilim berý uıymdaryna da qatysty sheshim qabyldanady. Biz osy boıynsha belsendi jumys isteıtin bolamyz. Bul jerde de mańyzdysy - balalardyń qaýipsizdigi», - dedi vedomstvo basshysy.

Aıta keteıik, buǵan deıin mınıstr qazaqstandyq oqýshylar birinshi toqsandy qashyqtan oqıtynyn aıtqan bolatyn.

Sondaı-aq, jańa oqý jylynda kolledj, joǵary oqý oryndarynyń stýdentteri de kóbinese qashyqtan oqý formatynda oqıtyny belgili boldy.

 

Sońǵy jańalyqtar