14 Shilde, 14:05 375 0 Jańalyqtar Asyl TUMAR

AShM Tamaq jáne óńdeý ónerkásibi komıtetin qurýdy usyndy

Aýyl sharýashylyǵy mınıstri Saparhan Omarov Úkimetke óz vedomstvosyna qarasty Tamaq jáne óńdeý ónerkásibi komıtetin qurýdy usyndy, – dep jazdy QazAqparat.

«Agroónerkásiptik keshenniń eksporttyq áleýetin iske asyrýǵa qatysty syrtqy naryqtardyń konıýnktýrasy zertteledi. Kólik shyǵyndaryn sýbsıdııalaýmen qatar, eksporttyq ónimdi sertıfıkattaýǵa jumsalǵan shyǵynǵa ótemaqyny engizý, sondaı-aq otandyq aýyl sharýashylyǵy ónimin jyljytýdyń jańa tıimdi marketıngtik quraldaryn engizý máselesi pysyqtalady. Importtaýshy elderdiń naryqtaryna egjeı-tegjeıli sholý jasaı otyryp, «eksporttyq gıdterdiń» úlgilik júıesin engizý josparlanyp otyr», – dedi Saparhan Omarov Úkimet otyrysynda.

Mınıstrdiń aıtýynsha, aýyl sharýashylyǵy ónimin óńdeýde biryńǵaı saıasatty qalyptastyrý úshin tıisti fýnkııalar men qajetti shtat sanyn belgileý kerek.

«Osy rette Aýyl sharýashylyǵy mınıstrliginiń quramynda Tamaq jáne óńdeý ónerkásibi komıtetin qurýdy usynamyz. Sondaı-aq, Agroónerkásiptik keshendi damytýdyń kelesi kezeńge arnalǵan jańa memlekettik baǵdarlamasynyń tujyrymdamasynda Shıkizat jáne óńdeý salalaryn damytý jóninde biryńǵaı tásildeme kózdeletin bolady», – dedi ol.

Sońǵy jańalyqtar