14 Shilde, 09:27 361 0 Jańalyqtar Asyl TUMAR

Búginnen bastap Medeý, Býtakov, Alma-Arasanǵa kirýge tyıym salyndy

Epıdemıologııalyq jaǵdaıdyń nasharlaýyna baılanysty jáne koronavırýstyń taralýyna jol bermeý maqsatynda Almaty ákimdigi 14 shildeden bastap kúsheıtilgen karantın rejımi aıaqtalǵanǵa deıin ulttyq park, týrıstik nysandarǵa (Medeý, Býtakov, Alma-Arasan) kez kelgen kólik túriniń kirýine tyıym saldy, – dep jazdy QazAqparat.

Sondaı-aq atalǵan aýmaqtarda osy erejelerdi qatań ustana otyryp jaıaý jáne velosıpedpen serýendeýge tek jumys kúnderi ruqsat etiledi:

1. Ózimen birge azyq-túlik (sýsynnan basqa) ákelýge, otyrys uıymdastyrýǵa jáne ot jaǵýǵa qatań tyıym salynady;

2. Park aýmaǵynda úsh adamnan artyq toptasýǵa bolmaıdy;

3. Sanıtarlyq normalardy jáne áleýmettik araqashyqtyqty ustaný qajet (maska kııý, adamdar arasynda qashyqtyq saqtaý).

Demalys kúnderi (senbi jáne jeksenbi) Ulttyq park aýmaǵy kelýshiler úshin tolyǵymen jabyq bolady.

Karantın sharalarynyń saqtalýyn TJD, quqyq qorǵaý organdary, SES jáne Ulttyq park qyzmetkerleri birlesip qadaǵalaıdy.

Joǵaryda kórsetilgen erejelerdi buzǵan azamattar park aýmaǵynan shyǵarylyp, ákimshilik jaýapkershilikke tartylady. Qala turǵyndaryna karantın kezinde taýǵa barmaýǵa keńes beriledi.

Sońǵy jańalyqtar