13 Shilde, 15:32 565 0 Qoǵam Anar LEPESOVA

Aıagózdegi balalar ortalyǵynda balalar men qyzmetkerler jappaı koronavırýs juqtyrdy

Sýret áleýmettik jeliden alyndy
Sýret áleýmettik jeliden alyndy

Aıagózde arnaıy áleýmettik qyzmet kórsetetin balalar ortalyǵynda shamamen 40-qa jýyq bala men 22 qyzmetker koronavırýs juqtyrdy.

Bul týraly ortalyq dırektory Sholpan Muqasheva jazdy, dep habarlaıdy zakon.kz.

Ol dırektor qyzmetine jaqynda ǵana – 2020 jyldyń 2 shildesinde kirisken.

Sholpan Muqashevanyń sózinshe, 28 maýsymda mekemeniń eki tárbıelenýshisi koronavırýs juqtyrǵany anyqtalǵan. Balalardyń biri kanıkýlda úıine baryp qaıtqan, ekinshisi Óskemendegi psıhıkalyq ortalyqtan kelgen. Olar aýdandyq aýrýhanaǵa jiberilip, emdelip shyqqan. Qazir ortalyqtyń oqshaýlanǵan jeke bólmesinde júr.

2 shildeden bastap ortalyqta karantın kúsheıtilgen, barlyq balalar men qyzmetkerler PR ádisimen tekserýden ótken. Tekserý nátıjesinde 35 tárbıelenýshi men 22 qyzmetkerden koronavırýs tabyldy. Taýarlar men qyzmetter sapasyn baqylaý komıteti qyzmetkerlerimen birlesip, epıdemıologııalyq tekserý júrgizilýde, - dep jazdy Sholpan Muqasheva instagram-da.

Sońǵy jańalyqtar