13 Shilde, 12:52 436 0 Jahan Anar LEPESOVA

COVID-19: AQSh-ta ólim-jitim kórsetkishi artady dep boljanýda

Aldaǵy 2-3 aptada AQSh-ta koronavırýs indetinen kóz jumý kórsetkishi ósedi dep boljanyp otyr. Bul týraly eldiń densaýlyq saqtaý mınıstriniń kómekshisi Brett Jırýar málimdedi, dep habarlaıdy RIA Novostı.

Jırýardyń aıtýynsha, búgingi tańda AQSh-ta indetti emdeý tıimdiligi pandemııanyń alǵashqy kezeńimen salystyrǵanda aıtarlyqtaı artqan. Tıimdi ádisteme jasaqtalyp, remdesvedır jáne steroıdtar sekildi preparattar qoldanylýda.

Sondaı-aq, mınıstrdiń kómekshisi kúzde indettiń ekinshi tolqynynyń bastalý yqtımaldyǵy joǵary ekenin atap ótti. Óıtkeni vırýs turǵyndardyń 90 paıyzyn áli sharpyp úlgermegen. Jırýardyń sózinshe, el bıligi koronavırýstyń maýsymdyq tumaýmen qabattasyp, kúrdelene túspeýi úshin qoldan kelgenniń bárin jasap jatqan kórinedi.

Sońǵy aıda AQSh-tyń iri shtattarynda koronavırýs juqtyrý kórsetkishi aıtarlyqtaı ósti. Pandemııa bastalǵaly elde 3,2 mıllıonnan astam adam indetke shaldyqqan. Naýqastardyń 135 myńǵa jýyǵy kóz jumdy.

Aıta keteıik, sońǵy táýlikte álemde koronavırýs juqtyrýdyń rekordtyq kórsetkishi tirkeldi. DDSU dereginshe, 12 shilde kúni jahanda 230 370 adamnan qaterli vırýs anyqtaldy. Bir táýlikte indetten 5 285 adam qaıtys boldy.

Sońǵy jańalyqtar