13 Shilde, 13:20 486 0 Aımaq Anar LEPESOVA

Qaraǵandy oblysynda dúleı daýyldan 19 jastaǵy boıjetken mert boldy

Qaraǵandy oblysynda bolǵan dúleı daýyl bir adam ómirin jalmady.

19 jastaǵy boıjetken jel soqqan kezde oblys ortalyǵynan 50 shaqyrym qashyqtyqtaǵy Topar sý qoımasynda júzip júrgen. Jergilikti tótenshe jaǵdaılar departamentiniń mamandary birneshe saǵattan keıin marqumnyń denesin sýdan alyp shyqqan. Taǵy bir turǵynnyń ústinen shatyrdyń bólshegi túsip, jaraqat aldy, dep habarlaıdy «Habar 24».

Eske sala keteıik, keshe Qaraǵandyda kenetten daýyl soqty. Jel jyldamdyǵy sekýndyna 21 metrge jetken. 16 ǵımarattyń shatyry ushty. Birneshe aýdan jaryqsyz qaldy. Jeldiń ekpininen jol jıegindegi terekterdi tamyrymen qoparylǵan. Qazir elektr jaryǵy qosyldy. Kommýnaldyq qyzmetter men apattyq brıgadalar daýyldyń saldaryn joıýmen aınalysyp jatyr.

Sońǵy jańalyqtar