13 Shilde, 12:04 373 0 Jahan Anar LEPESOVA

Qazaqstandaǵy Aza tutý kúni: ShYU shtab-páterinde týlar tómen túsirildi

Qazaqstandaǵy koronavırýs pandemııasynan qaza bolǵan azamattardy eske alýǵa baılanysty jarııalanǵan Aza tutý kúnine oraı Qazaqstan halqynyń qaıǵysyna ortaq ekendiginiń belgisi retinde Shanhaı yntymaqtastyq uıymynyń shtab-páterinde uıymǵa múshe memleketterdiń týlary tómen túsirildi, dep habarlaıdy QazAqparat. 

"Shanhaı yntymaqtastyq uıymy Hatshylyǵynyń kópultty ujymy atynan jáne óz atymnan eldegi Ulttyq aza kúnine baılanysty Qazaqstan halqyna shyn júrekten kóńil aıtamyn.

Shanhaı yntymaqtastyq uıymy Qazaqstan halqymen yntymaqtastyqta jáne "Shanhaı rýhyn" ustana otyryp, yntymaqtastyqty jandandyrýǵa, jalpy qaterdi boldyrmaý maqsatynda pandemııaǵa qarsy is-qımylda Qazaqstanǵa járdem kórsetýge baǵyttalǵan barlyq qajetti sharalardy qabyldaýǵa daıyn.

Qazaqstan osy synaqty jeńe alatynyna jáne indettiń taralýy toqtaıtynyna nyq senim bildiremiz", - dep atap ótti ShYU bas hatshysy Vladımır Norov.

Shanhaı yntymaqtastyq uıymy - bul turaqty úkimetaralyq halyqaralyq uıym, ony 2001 jyly 15 maýsymda Shanhaıda Qazaqstan, Qytaı, Qyrǵyzstan, Reseı, Tájikstan jáne Ózbekstan elderi qurdy. 2017 jyldyń maýsymynda Úndistan men Pákistanǵa Uıymǵa múshe memleket mártebesi berildi.

Sońǵy jańalyqtar