13 Shilde, 11:51 532 0 Densaýlyq Anar LEPESOVA

Pandemııany jeńip shyǵý úshin barlyq kúsh-jigerimizdi jumyldyramyz – Alekseı oı

Densaýlyq saqtaý mınıstri Jalpyulttyq aza tutý kúninde koronavırýs pandemııasynyń qurbany bolǵan marqumdardyń jaqyndaryna kóńil aıtty,  dep habarlaıdy vedomstvonyń baspasóz qyzmeti.

Búgin koronavırýs indetinen qaza tapqandardy ulttyq aza tutý kúni densaýlyq saqtaý mınıstri Alekseı oı osy derttiń saldarynan jaqyndarynan, týǵan-týys, baýyrlarynan, áriptesterinen aıyrylǵan elimizdiń barsha turǵyndaryna kóńil aıtty. Ol COVID-19 elimizdiń júzdegen azamatynyń ómirin qıǵanyn jarııa etti.

"Osy kúnderi meniń áriptesterim – dárigerler men medıına qyzmetkerleri ómirden ozdy, máńgilikke kóz jumdy, olar kútpegen qaýip-qatermen betpe-bet keldi, sońǵy demi qalǵansha kúresti. Bul qaıǵyly jaǵdaı biz úshin orny tolmas qaza. Olar ómiriniń sońyna deıin dárigerlik boryshyn janqııarlyqpen atqardy. Bizdiń esimizde olar máńgi naǵyz batyr bolyp qalady", – dep atap ótti Alekseı oı.

Ol bul indetti toqtatý úshin oǵan sebepker bolyp otyrǵan pandemııamen kúreste serpindi jáne tıimdi sharalar qajet ekenin atap ótti.

"Osy qaýip-qaterdi toqtatý úshin men jáne meniń áriptesterimiz táýlik boıy jumys isteýdi jalǵastyramyz",– dep málimdedi mınıstr.

Onyń aıtýynsha, úkimet medıınalyq uıymdarǵa jáne dárihanalarǵa qajetti dári-dármekterdi jetkizý boıynsha shuǵyl sharalar qabyldap, qosymsha tósek-oryndar sany qatary toltyrylǵan.

Sondaı-aq, sheteldik sarapshylarmen birlesip koronavırýsty emdeý ádisteri jan jaqty zerdelenip, jetildirilýde eken. Mınıstr qazaqstandyqtardy qoldan keler kómekteri bolsa osy indetpen kúresýge atsalysýǵa shaqyrdy jáne eriktiler men belsendi azamattardyń mańyzdy rólin atap ótti.

"Biz birgemiz, biz pandemııany jeńip shyǵý úshin barlyq kúsh-jigerimizdi jumyldyramyz. Biz bul qıyndyqty jumyla otyryp, jeńe alatynymyzǵa senimdimin", – dep elimizdiń bas dárigeri Alekseı oı sózin túıindedi.

Sońǵy jańalyqtar