10 Shilde, 22:23 29949 0 Bilim Anar LEPESOVA

"Aımaǵambetov oılanýy tıis": Prezıdent mekteptegi tárbıe jumystaryn kúsheıtýdi tapsyrdy

Bilim berý isinde balalardy qorshaǵan ortany qorǵaýǵa tárbıeleý máselesi nazardan tys qalmaýy kerek. Bul jóninde Úkimettiń keńeıtilgen otyrysynda Prezıdent Qasym-Jomart Toqaev aıtty. 

«Adamdarǵa jyldar boıy tabıǵatty lastamaý kerektigi túsindirilmegen. Bul bir. Ekinshiden janýarlar álemi týraly. Jaqynda Mańǵystaý oblysynyń Aqtaý qalasynda bir oqıǵa boldy. Onda adamdar ıtbalyqtardy taıaqpen, taspen uryp júr. Ekinshi jaǵynan balalar men jasóspirimderdi bul qylyqtary úshin taǵy kinálaı almaısyń. Sebebi úıde bolsyn, mektepte bolsyn olarǵa bul árekettiń durys emestigin eshkim de túsindirmegen. Men ıtti qylqyndyryp, kúshikti órtep jiberetin «qatardaǵy» jaǵdaılardy aıtyp turǵan joqpyn. Meniń oıymsha, Aımaǵambetov (Bilim jáne ǵylym mınıstri) bul máselege baılanysty oılanýy tıis», - dedi Memleket basshysy.

Eske sala ketsek, 6 shilde kúni áleýmettik jelide demalyp jatqan adamdar Kaspıı ıtbalyǵyna tas laqtyrǵan sáti taspalanǵan  vıdeo tarady. Atalǵan derek boıynsha  Mańǵystaý oblysynyń orman sharýashylyǵy jáne janýarlar álemi aýmaqtyq ınspekııasy oblystyq polıııa departamentine hat joldap,  janýardy qorlaǵan adamdardy jaýapkershilike tartýdy ótindi.

Kóp uzamaı QR Ekologııa, geologııa jáne tabıǵı resýrstar mınıstrligi Orman sharýashylyǵy jáne janýarlar álemi komıtetiniń baspasóz hatshysy Sáken Dildahmet  ıtbalyqty qorlaǵan qaskóıler qylmystyq jaýapkershilikke tartylǵanyn habarlady.

 

Sońǵy jańalyqtar