10 Shilde, 20:20 523 0 Jańalyqtar Asyl TUMAR

Shymkent ákimdigi toıhanalardy provızorlyq ortalyqqa aınaldyrýǵa daıyn

Shymkent qalasyndaǵy meıramhana men toıhana ıeleri epıdemıologııalyq jaǵdaıǵa baılanysty muqtajdyq bolsa ǵımarattaryn provızorlyq ortalyqqa aınaldyrýǵa daıyn ekendigin jetkizdi. Bul usynystaryn olar qala ákimi Murat Áıtenovpen kezdesý kezinde aıtyp ótti, – dep jazdy QazAqparat.

Qaladaǵy birneshe ǵımaratty aralap shyqqan Murat Áıtenov kásipkerlerge ázirge qosymsha provızorlyq ortalyqtardy ashýdyń qajettiligi joq ekenin atap ótti. Óıtkeni, búginde qaladaǵy aýrýhanalar men staıonarlarda medıınalyq kómekke muqtaj barlyq naýqastardy jatqyzý úshin jetkilikti oryndar jetkilikti. Alaıda, indettiń taralýy ósip, naýqastar kóbeıgen jaıǵaıda ákimdik meıramhanalardy, toıhanalardy provızorly staıonar retinde paıdalanýǵa bolatynyn aıtty.

Qazirgi tańda qaladaǵy epıdemıologııalyq jaǵdaıǵa baılanysty daıyndyq jumystary júrgizilip jatqanyn qala basshysynyń birinshi orynbasary Erbol Sadyr baıandady.

«Koronavırýs pen pnevmonııaǵa shaldyqqan naýqastardy emdeýge 7 mıllıard qarjy bólýdi josparlap otyrmyz. Birinshi kezekte, medıınalyq mekemelerdi úlken suranysqa ıe dári - dármektermen, ÓJJ (IVL) apparattarymen jáne kompıýterlik tomografııamen (KT) qamtamasyz etý máselesi sheshiletin bolady», – dedi Erbol Sadyr.

Qala ákiminiń birinshi orynbasary sondaı-aq, saýda ortalyqtary men basqa da qaladaǵy iri nysan ıeleri turǵyndarǵa ýaqtyly medıınalyq kómek kórsetý úshin tegin kómek kórsetýge daıyn ekendigin atap ótti.

«Eger, kúzde epıdemııalyq jaǵdaı nasharlap, indettiń ekinshi tolqyny bastalatyn bolsa, biz sol jaǵdaıǵa daıyn bolýymyz kerek. Sondyqtan qazir kásipkerlerdiń ózderi usynǵan qaladaǵy iri ǵımarattardy qarastyryp jatyrmyz. Jaǵdaı kúrdelener bolsa, biz shuǵyl provızorlyq ortalyqtardy uıymdastyrýǵa daıynbyz. Búgingi tańda naýqastardy emdeýge arnalǵan qosymsha 3 000 oryn daıyndadyq. Jaqyn arada kásipkerler usynǵan ǵımarattardan da dál solaı tósek-oryndar daıyndamaqpyz», – deıdi Erbol Sadyr.

Sońǵy jańalyqtar