9 Shilde, 20:51 450 0 Aımaq Araılym Bımendıeva

Túrkistan qalasynda 1,5 myńǵa jýyq otbasy baspanaly bolady

Túrkistan qalasy ákimshilik-iskerlik ortalyǵynda 89 kópqabatty turǵyn úıdiń qurylysy júrgizilýde. Jyl sońyna deıin 7 qabatty 24 turǵyn (92,2 myń sh.m, 1 452 páter) úıdi paıdalanýǵa tapsyrý josparlanýda. Onyń ishinde: kezekte turǵan áleýmettik osal toptarǵa jáne kópbalaly otbasylarǵa (450 páter), kezekte turǵan memlekettik qyzmetkerlege kredıttik turǵyn úı (1 002 páter) tapsyrý josparlanǵan.

Sonymen qatar oblys ortalyǵynda kósheler men demalys oryndaryn kóbeıtip, kógaldandyrý jumystary qarqyndy oryn alýda. Qalada 32 sektor boıynsha kógaldandyrý jumystary júrgiziledi. Aýdan, qala jáne basqarma basshylary jaýapty barlyq aýmaqtarda 250 myń aǵash kósheti men butalar otyrǵyzyldy.

«Jasyl beldeý»  baǵdarlamasy boıynsha 97,9 ga aýmaqqa 42 068 dana aǵash egildi. «Qashqarı» demalys ornynda 200 túrli aǵashtar men butaly gúldi ósimdikter otyrǵyzylǵan. Qazirgi kezde Túrkistan qalasynyń 19 kóshesinde kógaldandyrý men abattandyrý jumystary iske asýda. Sonymen birge, ál-Farabı men Qazybek bı, N.Tórequlov kóshesinde saıabaq pen skverler ornatylýda.  Aldaǵy ýaqytta qoldanysqa beriledi. Nátıjesinde, jalpy uzyndyǵy 111950 sharshy metr aýmaq shilde aıynyń sońyna deıin kógaldanatyn bolady.

Sońǵy jańalyqtar