9 Shilde, 15:54 1128 0 Jahan Anar LEPESOVA

Áınegi synǵan ushaqty der kezinde qondyrǵan ushqysh jolaýshylardy ajaldan aman alyp qaldy

Qytaılyq Ruili Airlines áýe kompanııasynyń ushqyshy ushaq áıneginiń synýyna baılanysty áýe kemesin shuǵyl jerge qondyryp, jolaýshylardyń ómirin qutqaryp qaldy.

Daily Mail-dyń habarlaýynsha,  Boeing 738 ushaǵy Qytaıdyń Sıan qalasynan Kýnmınge bet alǵan. Áýege kóterilgen soń jarty saǵattan keıin ekıpaj áınektiń synǵanyn baıqaǵan. Ushqyshtar áýe kemesin tez arada Chýnınge qondyrý týraly sheshim qabyldapty.

Radarlardan alynǵan málimet boıynsha ol kezde ushaq 9,4 myń metr bıiktikte bolǵan jáne kúrt tómendep, ushýy baıaýlaǵan. Ushqyshtar alty mınýt ishinde 3,8 myń metrge tómendegen. Nátıjesinde áýe kemesiniń komandıri ushaqty jerge sátti qondyryp, jolaýshylardy apattan aman alyp qaldy. Tótenshe jaǵdaı kezinde eshkim zardap shekken joq.

Sońǵy jańalyqtar