9 Shilde, 15:37 516 0 Jańalyqtar Araılym Bımendıeva

Eń bastysy – el senimi

«Nur Otan» búginde bılik pen halyq arasyndaǵy dáneker partııaǵa, halyqty biriktiretin saıası kúshke aınaldy. Qarapaıym halyq partııanyń belsendi jumysyn byltyrǵy Arys oqıǵasy men bıylǵy COVID-19 vırýsynyń keń taralýy kezinde sezinip, nátıjesinde eldiń partııaǵa degen senimi artyp keledi.

Osydan bir jyl buryn «Nur Otan» par­tııasy Tóraǵasynyń Birinshi oryn­ba­sary bolyp taǵaıyndalǵan Baýyrjan Baıbek óz jumysyn partııalyq tártipti túbegeıli kú­sheıtip, ishki «tazalaý» jumystaryn júr­gizýden bastaǵan bolatyn. Budan bylaı san­nan góri sapaǵa mán beriletinin aıtqan  Baýyr­jan Baıbek naqty sharalardy qolǵa alyp, qarqyndy jumys júrgize bastady.

Qoǵamdyq qabyldaýdaǵy ashyqtyq

Halyq pen bıliktiń arasyn jaqyn­datý­daǵy úzdik tásilderdiń biri  – qoǵamdyq qa­­­­byldaý. Halyqtyń muń-muqtajyna  qulaq túrip, kómekke zárý jandardy qam­qorlyqqa alǵan partııanyń eńbegi qalyń buqaranyń senimin arttyra túskeni anyq. Turǵyndar tarapynan qozǵalǵan túıtkildi máseleler men ótinish-tilekterdi oń sheshýde par­tııanyń alar orny erekshe.

Ótken jyly partııanyń qoǵamdyq qab­yldaýlaryna 214 myńnan astam adam júgingen. Bul 2018 jylmen salystyrǵanda 35 paıyzǵa (140 013) artyq. Áleýmettik saýalnama nátıjesi qandaı da bir kúrdeli máseleni sheshý úshin árbir tórtinshi qa­zaq­standyq «Nur Otan» partııasynyń kómegine júginetinin aıtqan. Ótinish-tilekter men aryz-shaǵymdardyń 21 paıyzy (45,1 myń) partııanyń arqasynda oń sheshimin tapsa, qalǵan 76 paıyzyna (163,5 myń) túsindirý ju­mystary júrgizilgen. Al naýqandar, ta­qyryptyq jáne kóshpeli qabyldaýlar ke­zinde partııaǵa 58 myń azamat ótinish bil­diripti. Partııanyń Call-ortalyǵyna jalpy sany 23 myńǵa jýyq qońyraý kelip túsken. Suranystyń kópshiligi Respýblıkalyq qo­ǵamdyq qabyldaý bólmesine tıesili – 9,3 myń (11%). Búginde partııanyń turaqty jaq­tastarynyń sany – 2 mln.

Partııanyń qoǵamdyq qabyldaýy 4 bó­limnen turady: biryńǵaı úılestirýshi or­talyq, Call-ortalyq, turǵyndarmen jáne áleý­mettik jelilermen jumys isteıtin bó­limder. Ortalyqta árbir operator orta eseppen kún saıyn 120 qońyraý qabyldasa, konsýltanttar ár mınýt saıyn «Halyqqa kómek» jobasy aıasynda áleýmettik jeli­ler­de suraqtarǵa jaýap beredi. Al elimiz boıyn­sha kúnine 500 adam «Nur Otan» par­tııasynyń kómegine júginedi eken.

Koronavırýs indetine baılanysty ka­rantın rejımi engizilgeli bergi ýaqytta partııanyń qoǵamdyq qabyldaýlarynyń on­laın rejımdegi jumysy da jandandy. «Nur Otan» partııasyna WhatsApp messend­jeri arqyly joldanǵan onlaın ótinish­terdiń sany 13 ese, áleýmettik jeliler ar­qy­ly kómek suraýshylar qatary 8 ese, Call-ortalyqtarǵa habarlasýshylar sany 3 esege deıin kóbeıgen. Kómek suraýshy halyq sa­nynyń artýyna qaramastan, partııa jol­danǵan ótinishter men talap-tilekterdiń esh­birin nazardan tys qaldyrmaı keledi.

Arysqa kómek

Búkil halyqty alańdatqan aýyr oqıǵa Arystaǵy jarylys áli kúnge deıin halyq­tyń esinde. Syn saǵatta partııa Tóraǵa­sy­nyń Birinshi orynbasary Baýyrjan Baıbek Arystaǵy apattyń zardabyn joıý jumys­tary­men tanysqan bolatyn. Qıyn sátte «Nur Otan» partııasy apat saldarynan zar­dap shekken turǵyndarǵa gýmanıtarlyq kó­mekti jiberý jumystaryn júıeli túrde júr­gizdi. Tótenshe jaǵdaı oryn alǵan kún­nen bastap «Arys, Biz birgemiz!» jal­pyult­tyq akııasy qolǵa alyndy. Partııanyń 17 aımaqtyq jáne 1 aýmaqtyq fılıalynyń baza­synda gýmanıtarlyq kómek qabyl­daıtyn ortalyqtar ashylyp, aımaqqa arnaıy avtokerýender jóneltildi. Partııa jınalǵan gýmanıtarlyq kómektiń muqtaj jandarǵa jetýin jiti qadaǵalady.

Sondaı-aq arystyqtarǵa kómek retinde par­tııanyń Ortalyq apparaty, barlyq aı­maqtyq jáne aýmaqtyq fılıalynyń qyz­metkerleri bir kúndik jalaqylaryn aý­dardy. Partııa janyndaǵy Balalar quqy­ǵyn qorǵaý jónindegi respýblıkalyq keńes­tiń bilikti mamandary zardap shekken kóp­balaly otbasylarǵa psıhologııalyq qoldaý kórsetip, balalarynyń jazǵy de­malysyn uıymdastyrý úshin aımaqta kóp­tegen jumys atqarǵan bolatyn.

Aımaqtaǵy úlgili ister

Baýyrjan Baıbek jumys saparymen elimizdiń birqatar aımaǵyn aralady. Bıyl qań­tar aıynda Tóraǵa orynbasary óńirdiń jaı-kúıimen tanysyp, qarapaıym turǵyn­dar­men kezdesý arqyly jergilikti turǵyn­dardy tolǵandyryp júrgen naqty máse­le­lerdi anyqtap, solardy sheshýge atsalysý maq­satynda Atyraý jurtshylyǵymen kez­de­sip, Maqat, Jylyoı aýdany turǵyn­dary­nyń ótinishin tyńdaǵan bolatyn.

Ótken jyldyń sońynda jergilikti BAQ-ta temirjol arqyly ótetin jaıaý júr­gin­shiler kópirin salý jaıynda másele kó­terilgen bolatyn. Maqat aýdanyna qarasty Dossor kenti temirjoldyń eki qaptalynda or­nalasqan. Ákimdik, mektep, balabaqsha kent­tiń teriskeıinde ornalassa, al ońtús­tigine 200-den astam otbasy bar «Yntymaq» aýy­ly qonystanǵan. Temirjoldan ótý jer­gilikti turǵyndar úshin ózekti másele bo­latyn.

Búginde oblystyq jáne jergilikti bılik ókilderi aldyn ala esepter júrgizip, kópir qury­lysy úshin jobalaý smetalyq qujat­tardy ázirleýge qarajat bólý qarastyryl­ǵan. Onyń qurylysyn 2021 jyldyń ekinshi jartyjyldyǵynda aıaqtaý josparlanyp otyr. Sapar barysynda Baýyrjan Baıbek nysan qurylysynyń ýaqytynda aıaq­talýyn baqylaýǵa alýdy tapsyrdy. Sony­men qatar kóshe jaryǵy, jol sapasy sekildi birqa­tar máseleler de kóterildi, Tóraǵa oryn­basary onyń barlyǵy partııa na­za­ryn­da bolyp, sheshimin tabatynyn jetkizdi.

Baýyrjan Baıbek osy jumys sapary ba­rysynda bastaýysh uıym janyndaǵy q­o­ǵamdyq qabyldaýda birneshe azamatty qa­byldap, kent turǵyndarynyń ótinish­terin, kótergen máseleleri men usynys­taryn tyńdady.

Sonymen qatar bıyl aýrýhananyń jylý júıesine jóndeý júrgiziletini aı­tylyp, aýdan turǵyndaryn qosymsha jedel me­dıınalyq kómek brıgadasymen qamta­masyz etý máselesi boıynsha oblystyq Densaýlyq saqtaý basqarmasymen birge ony oryndaýdyń naqty merzimi belgilendi.

Bilim, urpaq tárbıesi – qashanda par­tııanyń erekshe nazar aýdaratyn salalary.  Partııa Tóraǵasynyń orynbasary oblys_taǵy úsh aýysymdy jáne apattyq mek­tep­terdi joıý úshin bes jylǵa arnalǵan Is-sha­ralar jospary ázirlengenin, aıtylǵan usynystar jaqyn aradaǵy besjyldyqta óz sheshimin tabatynyn jetkizdi.

Sondaı-aq turǵyndar kezdesý bary­synda jol jóndeýge jáne ınjenerlik ınfraqurylymdarǵa qatysty ózge de ózek­ti máselelerdi kóterdi. Aıtylǵan máse­le­lerdi sheshý partııalyq baqylaýǵa alynatyn boldy.

Bıyl kóktemde Jambyl oblysyna ja­saǵan sapary barysynda Baýyrjan Baıbek Jýaly, Masanchı, Ótegen jáne Qordaı aýdan­daryna at basyn tiredi. Qordaıda oryn alǵan qazaq pen dunǵan arasyndaǵy qaq­­tyǵystyń ulttar arasyna syzat túsir­meýi qajettigin aıtqan partııa Tóraǵa­synyń orynbasary: «Oryn alǵan oqıǵa tek halyqtyń aýyzbirshiligi men qoǵamdyq kelisim ǵana elimizdiń ósip-órkendeýi men tabysty damýynyń negizgi kepili ekenin ta­ǵy bir ret esimizge saldy. Qordaı aýdany­na arnaıy kelgen saparynda Memleket basshysy Qasym-Jomart Toqaev aıtqandaı, «Qazaqstan – dostyqtyń, beıbitshilik pen ke­lisimniń, sondaı-aq barlyq etnostyq top­tardyń ortaq Otany. Elimiz túrli ta­rıhı jaǵdaılarǵa baılanysty qıyn-qystaý zamanda májbúrli túrde qazaq jerin panalap kelgen halyqtyń bárin qushaq jaıa qarsy aldy. Biz birtutas ult retinde osy ótken kúnderden sabaq alýymyz kerek. Eń bastysy, bolashaqta mundaı qaıǵyly jaǵ­daılardyń qaıtalanbaýy úshin qoldan kelgenniń bárin jasaýymyz qajet», – degen bolatyn kópshilikpen kezdesý barysynda.

Osy sapar barysynda jergilikti tur­ǵyn­dar aýdanda gazdandyrý, sýmen qamtý, mektepke deıingi mekemeler men mektep qurylysy tárizdi dúnıeler alańdatatynyn jet­kizdi. Partııa Tóraǵasynyń orynbasary óz kezeginde bul máselelerdiń barlyǵyn «Nur Otan» partııasy óz baqylaýyna alaty­nyn aıtty.

BIRGEMIZ

Elimizde vırýsqa baılanysty jarııa­lanǵan Tótenshe jaǵdaı rejımi men karan­tın halyqtyń áleýmettik osal  toptaryna aýyr soqqy bolyp tıdi. «Pandemııanyń sal­darynan týyndaǵan aýqymdy daǵdarys jaǵ­daıynda, eń aldymen, qarapaıym azamattar kómekke muqtaj. BUU usynym­daryna sáıkes, búginde elder «qoǵamnyń eń qorǵansyz múshelerine» naqty qoldaý kór­setýge jumylǵany jón. Bir jaǵynan, bul daǵdarysty eńserýge kómek berse, ekinshi jaǵynan – quldyrap bara jatqan ishki sura­nysty, ulttyq ekonomıkalardy qol­daıdy», – dedi Baýyrjan Baıbek.

Elbasy, «Nur Otan» partııasynyń Tóra­ǵa­sy Nursultan Nazarbaevtyń basta­masy­men qurylǵan Birgemiz qory pandemııa ke­zinde qorǵanysy álsiz azamattarǵa ataý­ly kómek kórsetýdi qolǵa alǵan bolatyn.

Elbasynyń úndeýin qoldaǵan meenat­tardyń arqasynda Birgemiz qorynyń esep­shotyna 28,5 mlrd teńgeden astam qarajat jınaqtalǵan. Birgemiz qorynyń birjolǵy qarjylyq qoldaýyna 550 myńnan astam otbasy ıe bolǵan. Bul otbasy múshelerin qosa eseptegende – 2 mıllıondaı qazaq­stan­dyq.

«Nur Otan» partııasy men Tuńǵysh Pre­zıdent Qory jelisi boıynsha 300 myńdaı otbasy azyq-túlik sebetin aldy. Bul iske «Jas Otan» Jastar qanatynyń 5 myńnan astam eriktileri qatysty. Sonymen birge turmysy tómen 100 myń muqtaj otbasyǵa 5 mıllıonnan astam tegin maska úlestirildi.

«Jaý jaǵadan alǵanda, bóri etekten ala­dy» degendeı, el bolyp pandemııa jaǵ­daıy­men kúresip jatqanda Maqtaaral aýda­nynyń birneshe aýylyn bir túnde sý alyp, halyq abyr-sabyr boldy. Osy jaǵdaıda nurotandyqtar Túrkistan oblysynyń sý basqan aýyldarynyń turǵyndaryna myń ton­nadan astam gýmanıtarlyq kómek jó­neltti. Shilde aıynda Dostyq aýylynyń tas­qynnan zardap shekken turǵyndaryna ar­nalǵan úıler salynyp bitedi dep jos­parlanyp otyr.

Halyqtyń kúrmeýli máselesin sheship, alǵys arqalaǵan partııalyqtardyń kez kelgen bastamasy aldaǵy ýaqytta da sátti jú­zege asady degen oıdamyz. Óıtkeni par­tııanyń birinshi mindeti – halyqtyń muńyn muńdap, sózin aıtyp, qoǵamdaǵy kúrdeli máseleni birigip sheshýge jetekshi bolý.

 

Sońǵy jańalyqtar