9 Shilde, 14:41 504 0 Ishki saıasat Anar LEPESOVA

Dúken Másimhanuly: Bereke-birligimiz myǵym bolsyn!

Memleket basshysy Qasym-Jomart Kemeluly elimizde qalyptasqan ahýalǵa baılanysty arnaıy úndeý jarııalady.

Q.Toqaev búkil dúnıejúzi boıynsha jaǵdaıdyń óte kúrdeli kúıinde qalyp otyrǵanyn málimdedi. Álem boıynsha osy vırýsty juqtyrǵandardyń sany shamamen 12 mıllıonǵa jetken bolsa, qaıtys bolǵandardyń sany 500 myńnan asyp ketken.

Sol sebepti, birqatar elderde karantın tártibi qaıta kúsheıtilip, áýe, kólik qatynasy qaıtadan shektelgen

"Ókinishke qaraı, bizdiń eldegi jaǵdaı da ońaı bolyp turmaǵanyn" memleket basshysy ashyq aıtty.

Memlekettik komıssııanyń sheshimimen 5 shildeden bastap elimizde eki aptalyq merzimge karantın sharalary engizildi.

Osyǵan oraı Prezıdent "Barlyq azamattardy taǵy da karantın erejelerin qatań saqtaýǵa shaqyramyn. Indetpen kúrestiń nátıjeli bolýy, eń aldymen, barsha jurttyń sanaly áreketi men jaýapkershiligine baılanysty" ekendigine basa nazar aýdardy.

Sonymen birge Qasym-Jomart Kemeluly: «Ár qazaq – meniń jalǵyzym» degendeı, Ár azamatymyzdyń qazasy meniń júregime qatty batady. Mynaý alapat indet aramyzdan talaı asyldarymyzdy julyp áketýde.
Búginde qara jamylyp otyrǵan azamattardyń qaıǵylaryna ortaqtasyp, kóńil aıtamyn" - deı kelip, 13 shildeni – Ulttyq aza tutý kúni dep jarııalady.

Qadirli aǵaıyndar!
Ásirese Prezıdenttiń úndeýindegi myna júrekjardy lebizine el bolyp, jurt bolyp, shynaıy qulaq asatyn sheshýshi kezeńge jettik dep oılaımyn:

"Biz – talaı zobalań men synaqty bastan ótkergen, tarıhtyń talaı daýylyna boı bermegen halyqpyz.

Batyr babalardyń jolyn jalǵaǵan búgingi urpaq ta qazirgi qıyndyqqa tótep beredi dep senemin.

Bálkim, bul bizdiń birligimizdi baıqaý úshin berilgen synaq shyǵar"...

Iá, qadirli halqym!
Sońǵy kezderi júrek syzdatar qaraly habardan FB beli qaıysyp, jylaǵan kóz jasymen shylanyp tur.... Jasyrary joq, óte ókinishti ǵana emes, óte qorqynyshty jaǵdaı...
Endi shyn oılanyp, shyn saqtanyp, shyn kirise bilsek, Prezıdent aıtqandaı, "bir jeńnen qol, bir jaǵadan bas shyǵaryp, uıymdasa bilsek, bul synnan da ótemiz".
Bereke-birligimiz myǵym, tirligimiz tas-túıin bolsyn baýyrlar!!!
Bul meniń sizderden ótinishim....

Sońǵy jańalyqtar