9 Shilde, 14:53 466 0 Densaýlyq Anar LEPESOVA

Alda qazaqstandyqtardy 100 paıyz testileý mindeti turǵan joq – Alekseı oı

Densaýlyq saqtaý júıesiniń aldynda qazaqstandyqtardy 100 paıyz testileý mindeti turǵan joq. Bul týraly  QR Densaýlyq saqtaý mınıstri Alekseı oı málimdedi. 

«Taǵy da qaıtalap aıtamyn, qazirgi ýaqytta densaýlyq saqtaý júıesiniń aldynda barlyǵyn 100 paıyz testileý mindeti turǵan joq. Óıtkeni, osy aýrýdyń alǵashqy belgileri bar tikeleı naýqastarǵa basymdyq jasalyp otyr. Sebebi, olarǵa kómek kórsetip, osy kezeńde áreket etý arqyly vırýstyń aýyr túrge ótip ketýine jol bermeý negizgi maqsatymyz», - dedi mınıstr.

Alekseı oıdyń sózinshe, koronavırýsty sımptomsyz ótkerip jatqan naýqastardy testileýden ótkizýdiń máni joq.

«Sımptomsyz naýqastardyń kópshiligi aýyrmaıdy. Iá, olar indetti taratýy múmkin. Biraq olar 14 kúnnen keıin saýyǵyp ketedi. Eshteńe mazalamaıtyn adamdardan test alýdyń qandaı máni bar? Biz negizgi basymdyq pen qarjylandyrýdy eń birinshi kezekte, kómekke muqtaj bolyp otyrǵan naýqastarǵa jumsaǵan durys dep sanaımyz», - dedi vedomstvo basshysy.

Aıta keteıik, elimizde qalyptasqan ahýalǵa baılanysty jasaǵan televızııalyq úndeýinde Memleket basshysy Qazaqstanda PTR testileýden ótý jıiligi táýligine 40 myńǵa jetkiziletinin málimdedi.

Prezıdenttiń aıtýynsha, testke qoljetimdilikti arttyrý úshin qosymsha 20 PTR analızator satyp alynady. PTR testileý úshin 8 mobıldi ortalyq qurylady.

 

Sońǵy jańalyqtar