9 Shilde, 13:44 567 0 Áleýmet Araılym Bımendıeva

Áleýmettik mańyzy bar 24 qyzmetti onlaın alýǵa bolady

Endi qazaqstandyqtar áleýmettik mańyzy bar 24 qyzmetti onlaın alady, olardyń basym bóligi el turǵyndaryna járdemaqy nemese áleýmettik kómek taǵaıyndaý «elektrondyq úkimet» portalynda qoljetimdi bolmaq.

«Halyqtyń áleýmettik osal toptaryn qoldaýdyń mańyzdylyǵyn nazarǵa ala otyryp, qazirgi jaǵdaıdy eskere otyryp, azamattarǵa áleýmettik kómek kórsetýge baǵyttalǵan Eńbek jáne halyqty áleýmettik qorǵaý mınıstrliginiń 24 kórsetiletin qyzmetin onlaın formatqa qaıtarý týraly sheshim qabyldandy. Endi osy kórsetiletin qyzmetterdiń barlyǵyn úıden shyqpaı-aq alýǵa bolady», – dep atap ótti «Ulttyq aqparattyq tehnologııalar» AQ Basqarma tóraǵasy Áset Turysov.

«Elektrondyq ótinishter» servısiniń kómegimen: bala jasynan birinshi toptaǵy múgedekke kútim jasaý boıynsha járdemaqy taǵaıyndaý, memlekettik ataýly áleýmettik kómek taǵaıyndaý, múgedekterge protezdik-ortopedııalyq kómek usyný úshin qujattardy resimdeý, Múgedekterge kreslo-arbalar berý, kóp balaly otbasylarǵa memlekettik járdemaqy taǵaıyndaý jáne t.b. syndy qyzmetterdi alýǵa bolady.

Kórsetiletin qyzmetterdi myna silteme boıynsha alýǵa bolady: https://egov.kz/cms/ru/services/citizen_and_the_government/e_app

 

Sońǵy jańalyqtar