9 Shilde, 12:36 1689 0 Densaýlyq Anar LEPESOVA

Qazaqstanda karantın merzimi uzartyla ma – mınıstr jaýap berdi

Elimizde karantındik shekteýler merzimi uzartyla ma? Bul suraqqa Ortalyq kommýnıkaııalar qyzmetinde ótken brıfıngte Densaýlyq saqtaý mınıstri Alekseı oı jaýap berdi. 

«Karantındi uzartýǵa qatysty aıtar bolsam, bastapqyda usynys engizgende azamattardyń tilekteri eskerildi. Rejımniń bıznes qoǵamdastyqtarǵa da barynsha beıimdi bolýy kózdeldi. Degenmen, osynaý vırýsqa shaldyǵýdyń kúrt órship ketýin eńserýge septigin tıgizetin shekteý sharalary da qarastyryldy», - dedi vedomstvo basshysy.

Mınıstrdiń aıtýynsha, engizilgen shekteý sharalary kelesi aptada óz tıimdiligin kórsete bastaıdy.

«Qazir biz qandaı da bir aralyq nátıjelerdi qarap otyrmyz. Degenmen, shynaıy tıimdiligin ekinshi aptaǵa qaraı ne bolmasa biz baǵalaý júrgizgennen soń birden kóretin bolamyz. Karantın aıaqtalǵannan keıin onyń uzartylatyny nemese sharalardyń qatańdatylatyny túsinikti bolady», - dedi Alekseı oı.

Eske sala keteıik, elimizdegi epıdemıologııalyq ahýaldy turaqtandyrý maqsatynda 5 shildeden bastap 14 kúnge karantın engizildi.

Sońǵy derek boıynsha, Qazaqstanda koronavırýs juqtyrǵandar sany 53 myńnan asyp jyǵyldy. 35 myńnan astam adam indetten emdelip shyqty. 264 naýqas kóz jumdy.

Sońǵy jańalyqtar