9 Shilde, 12:18 523 0 Jańalyqtar Araılym Bımendıeva

Ótken táýlikte koronavırýstan 988 adam emdelip shyqty

Álem elderi koronavırýspen kúresýdi qarqyndy túrde jalǵastyryp keledi. Ártúrli elderdegi koronavırýs indetiniń sharyqtaý shegi jaıynda salystyrmaly kestege nazar aýdarsaq, vırýsty eń kóp juqtyrǵandar sany AQSh-ta tirkelgen. Onda 100 myń adamǵa shaqqanda 935,8 adamnan koronavırýs anyqtalǵan. Al qaıtys bolǵandar sany – 133 911.

Kestede Qazaqstandaǵy indettiń sharyqtaý shegi maýsym aıynyń ekinshi on kúndigi dep kórsetilgen. Elimizde vırýs juqtyrǵandar sany 100 myń adamǵa shaqqanda 273, al qaıtys bolǵandar sany 100 myń adamǵa shaqqanda 1,4 adamdy quraıdy. Vırýstyń sharyqtaý shegi áli jalǵasyp kele jatqan elder arasynda Brazılııa, Reseı, Qazaqstan, Meksıka men úndistan bar.

Elimizde sońǵy bir táýlikte 2 myńǵa jýyq adamnan koronavırýs anyqtaldy. Al ótken táýlikte koronavırýs indetinen emdelip shyqqandar sany – 988 adam.

«Qazaqstanda ótken táýlikte 1 962 adam koronavırýs indetimen aýyrǵany belgili boldy. Onyń ishinde 1 209 adam klınıkalyq belgileri joq tasymaldaýshy retinde tirkeldi» dep habarlandy resmı aqparatta.

Jalpy, el boıynsha indetti juqtyrǵandar sany – 53 021. Onyń ishinde 34 149 adam jazylyp shyqty,  qaıtys bolǵandary sany – 264 adam.

Sońǵy jańalyqtar