9 Shilde, 11:31 1486 0 Densaýlyq Anar LEPESOVA

Dana Nurjigitova: Indetpen kúreste dál qazir keregi – úreıge berilmeý

Naýryz aıynda jarııalanǵan tótenshe jaǵdaı men alǵashqy karantın indetke qarsy sharalardy shuǵyl qolǵa alyp, shet eldik tájirıbelerdi eskerip, kózge kórinbes jaýdy jaýdy saqadaı saı otyryp qarsy alýǵa kerekti altyn ýaqyt edi. Ókinishke qaraı, búgingi jaǵdaı otandyq densaýlyq saqtaý júıesi berilgen ýaqytty tıimdi paıdalana almaǵanyn kórsetip otyr. Prezıdent indettiń alǵashqy kúninen bastap eń aýyr senarııge daıyn otyrýymyz kerek demedi me?!

Iaǵnı, birinshi karantınnen keıin halyq qaýiptiń seıilmegenin eskermeıtini, aýrýhanadaǵy oryndardyń jetispeýi, alyp-satarlardyń kóbeıýi, halyqtyń psıhologııalyq aýyr jaǵdaıǵa túsýi, dári-dármektiń jetispeı qalýy, jańa vırýstyń emdeý hattamasy resmı túrde ózgerip turǵany emdik sharalardyń birizdilikke birden túspeýi, halyq ózdiginen em izdeı bastaýy densaýlyq júıesindegi úılestirý jumysynyń mamandarynyń aldyn-ala zertteletin jumystary edi ǵoı! Josparlaý, uıymdastyrý, baqylaý men yntalandyrý-menedjerdiń myzǵymaıtyn tórt qaǵıdaty. Osynyń barlyǵyna búgin Prezıdent tıisti baǵasyn berip, bul jaǵdaıdan sabaq alamyz, dedi.

Qaharyna mingen indetpen kúreste dál qazir keregi - úreıge berilmeý! Kúresti toqtatpaý! Shildeniń basynda sany 400 ǵana bolǵan ámbebap mobıldi  ámbebap toptardyń sany aı sońynda 3,5 myńǵa deıin jetkiziledi. PTR test tapsyrý ortalyqtary  táýligine 40  myńǵa deıin saraptama jasaıtyn bolady. Dárihanalarǵa paraetamol, antıbıotıkter syndy qajetti medıkamentter jetkiziledi. Dárigerler aqparattyq jumysty kúsheıtetin bolady. Indetpen kúreske bólinip jatqan qarajat úzdiksiz, jiti baqylaýǵa alynady. Halyq qınalyp jatqanda esebin túgendep jantalasqan arsyzdardyń joly kesiledi!

Qasym-Jomart Kemeluly Sabyr Adaıdyń «Ár qazaq meniń jalǵyzym» degen bir aýyz sózimen buginde qara jamylǵan ár qazaqtyń shańyraǵyna kóńil aıtty. 13 shildeni AZA TUTÝ kúni dep jarııalady.

Indetpen kúresip jatqan árbir janǵa kúsh-qýat bergeı, Jaratqan! Qara jamylǵan jurtqa qaıǵyryp kóńil aıtamyn! Bekem bolyńyzdar! Barlyq saqtyq sharalaryn oryndap, abaı bolaıyq!

Sońǵy jańalyqtar