9 Shilde, 10:10 509 0 Jańalyqtar Anar LEPESOVA

Qostanaı qalasynyń ákimi koronavırýs juqtyrdy

Qostanaı qalasynyń ákimi Qaırat Ahmetov koronavırýs juqtyrdy. Bul týraly shahar basshysy áleýmettik jelidegi paraqshasynda habarlap, turǵyndardy saqtyq sharalaryn qatań saqtaýǵa úndedi. 

«Qurmetti qostanaılyqtar! Barlyq saqtyq sharalaryn qatań saqtaýyma qaramastan, ókinishke oraı, Covid-19-ǵa tapsyrǵan testim oń nátıje kórsetti. Osy sebeppen óz-ózimdi oqshaýlaýǵa kóshemin jáne jumysymdy qashyqtan jalǵastyramyn. Osyǵan oraı, qala turǵyndaryn belgilengen barlyq talaptar men qajetti qaýipsizdik sharalaryn qatań saqtaýǵa shaqyramyn. Bizdiń mindetimiz – shydamdylyq tanytyp, tazalyqqa úlken mán berý, óz otbasymyzdy qaýip-qaterden qorǵaý»,- dep jazdy Qaırat Ahmetov.

Eske sala keteıik, buǵan deıin Semeı qalasynyń ákimi Ermek Salımovtiń koronavırýs juqtyrǵanyn habarlaǵanbyz.

Sondaı-aq, indetke shaldyqqan Temirtaý qalasynyń ákimi Ǵalym Áshimov dertinen aıyqqany týraly jazdyq.

 

Sońǵy jańalyqtar