9 Shilde, 09:55 1004 0 Saıasat Anar LEPESOVA

Roza Muqanova: Úndeý halyqtyń júdegen eńsesin tikteýge shaqyrdy  

– Prezıdent Qasym-Jomart Toqaevtyń «Ár qazaq – me­niń jalǵyzym» degendeı, árbir azamatymyzdyń qazasy meniń júregime qatty batady» degen sózi  qolqamyzdy qaryp ótti. Shynyn aıtsam,  janaryma jas keldi.  Halyqtyń basyna qara bult úıirilgen mynaý tajalǵa shyryldap ara túsken dárigerlerdi, at ústindegi azamattardyń eńbegin, aqyrynda osy indetke ózderi iligip ketken arystaı azamattarymyzdy oılaǵanda janyńdy qoıarǵa jer tappaısyń.

Qıyn... Biraq sol qıyndyqty jeńetin sabyrdy, birlikti aıtty Prezıdent. Birigip qana jeńe alatynymyzdy aıtty. Dál osy qasiretti ot ja­ǵyp oınaǵysy, saıası saýdaǵa aınaldyrǵysy keletinder de az emes. Bul náýbetten de ońaı olja, ońaı upaı jınap «ańqaý elge – aramza molda» bolǵysy keletinder de bar...

Talaı synaqty bastan keshken qazaq halqy bul synnan da múdirmeı óter. Óz ba­sym elimniń amandyǵyn tiledim. Elge qorǵan bolyp, tolarsaqtan saz keshken aza­mattarǵa amandyq tileımin.  Bul qıyndyqtan da Alla qalasa, qutylatyn kún alys emes shyǵar.

Sońǵy jańalyqtar