8 Shilde, 21:27 423 0 Densaýlyq Anar LEPESOVA

Qazaqstanda PTR-testileýden ótý jıiligi táýligine 40 myńǵa jetkiziledi

Elimizde aldaǵy ýaqytta halyqtyń PTR testileýden ótý jıiligi táýligine 40 myńǵa jetkiziledi. Bul týraly Qazaqstanda qalyptasqan ahýalǵa baılanysty jasaǵan televızııalyq úndeýinde Memleket basshysy Qasym-Jomart Toqaev málimdedi. 

«Testke qoljetimdilikti arttyrý úshin qazirgi zerthanalar qosymsha jaraqtandyrylýda. Qosyma 20 PTR analızator satyp alynady. PTR testileý úshin 8 mobıldi ortalyq qurylady. Bul ortalyqtar aýyldarda da salynady», - dedi Memleket basshysy.

Prezıdenttiń bul jumystar aldaǵy ýaqytta halyqtyń PTR testileýden ótý jıiligin táýligine 40 myńǵa jetkizýge múmkindik beretinin atap ótti.

Aıta keteıik, buǵan deıin Memleket basshysy elimizde koronavırýstyń ekinshi tolqynyna ne sebep bolǵanyn aıtty.

Sondaı-aq, Prezıdent dárigerlerdi BAQ arqyly azamattarǵa naqty, birizdi málimet berýge shaqyrdy.

Memleket basshysynyń televızııalyq úndeýiniń tolyq mátinin myna silteme arqyly oqýǵa bolady.

 

Sońǵy jańalyqtar