8 Shilde, 21:15 63534 0 Densaýlyq Anar LEPESOVA

Memleket basshysy koronavırýstyń ekinshi tolqynyna ne sebep bolǵanyn aıtty

Prezıdent Qasym-Jomart Toqaev televızııalyq úndeýinde elde koronavırýstyń jáne pnevmonııa dertiniń órshýine ne sebep bolǵanyn aıtty. 

«Koronavırýs qaýpine baılanysty pandemııa bastalǵaly biz eldegi vırýstyń taralýyna shekteý úshin birden batyl ári qatań sharalardy qolǵa aldyq. Bul sharalar kóptegen adamnyń ómirin saqtap qalýǵa múmkindik berdi. Alaıda azamattardyń karantın sharalaryn jappaı saqtamaýynan, Densaýlyq saqtaý mınıstrliginiń burynǵy basshylyǵynyń júıeli qatelikterinen jáne ákimderdiń sylbyrlyǵynan biz koronavırýstyń ekinshi tolqynymen, pnevmonııanyń shuǵyl ósimimen betpe-bet keldik», - dedi Memleket basshysy.

Aıta keteıik, buǵan deıin Prezıdent dárigerlerdi BAQ arqyly azamattarǵa naqty, birizdi málimet berýge shaqyrǵan bolatyn.

Sondaı-aq, Qasym-Jomart Toqaev óz úndeýinde 13 shildeni Ulttyq aza tutý kúni dep jarııalady.

Memleket basshysynyń televızııalyq úndeýiniń tolyq mátinin myna silteme arqyly oqýǵa bolady.

 

 

Sońǵy jańalyqtar