8 Shilde, 20:58 624 0 Jańalyqtar Anar LEPESOVA

Dárigerler BAQ arqyly azamattarǵa naqty, birizdi málimet berýi kerek – Prezıdent

Dárigerler buqaralyq aqparat quraldary arqyly azamattarǵa naqty, birizdi málimet berýi kerek.  Bul týraly respýblıkalyq telearnalar arqyly elimizde qalyptasqan ahýalǵa baılanysty jasaǵan úndeýinde Prezıdent Qasym-Jomart Toqaev aıtty.

"Búkil kúsh-jigerimizdi jınap, indetpen kúrese berýimiz kerek. Osyndaı kúrdeli jaǵdaı kezinde el arasynda kóptegen jalǵan áńgimeler taraýda, teris aqparat taratyp júrgen aram pıǵyldy adamdardyń áreketteri oryn alýda. Ókinishke qaraı, keıbir azamattar jalǵan aqparatqa senetin boldy.  Sonymen qatar, taǵy bir mańyzdy másele. Dárigerlerimiz buqaralyq aqparat quraldary arqyly azamattarǵa naqty, birizdi málimet berýi kerek. Dertti emdeýdiń neshe túrli joldaryn kórsetip, adamdardyń densaýlyǵyna qaýip tóndirýge bolmaıdy. Mundaı áreketterge tosqaýyl qoıý kerek. Qylmystyq kodekstiń 174-babyna sáıkes jalǵan aqparat taratqan adam jaýapqa tartylady", - dedi Prezıdent.

Sondaı-aq, Memleket basshysy dári-dármek baǵasyn negizsiz qymbattatqandar da jazasyn qalmaıtynyn eskertti.

"Dári-dármektiń baǵasyn birneshe ese ósirip, qalyptasqan jaǵdaıdy óz maqsatyna paıdalanǵysy kelgen alypsatarlardy da quqyq qorǵaý organdary meniń tapsyrmama sáıkes jaýapqa tarta bastady. Qazir memlekettik organdar eldi mekenderdi qajetti dári dármekpen tolyq qamtamasyz etýde. Osyǵan oraı, tıisti qor jasaqtalǵan. Tósek oryndary da, medıınalyq qyzmet kórsetý isi de  tolyǵymen qamtamasyz etiledi", - dedi Q.Toqaev.

Aıta keteıik, buǵan deıin Memleket basshysy 13 shildeni Ulttyq aza tutý kúni dep jarııalaǵanyn habarlaǵanbyz.

Sońǵy jańalyqtar