8 Shilde, 20:32 428 0 Densaýlyq Anar LEPESOVA

Dárihanalar jelisiniń basshysy: Dári-dármekterdiń baǵasyn kóterýge múddeli emespiz

«Sadyhan Áleýmettik dárihana» JShS dárihanalar jelisiniń ıesi Qaırat Áýbákirov pandemııa kezinde dári-dármek jáne medıınalyq zattar naryǵynda baǵanyń qalaı qalyptasatyndyǵyn túsindirdi.

K. Áýbákirovtyń aıtýynsha, dúnıejúzinde dári-dármekke degen suranystyń artýy saldarynan óndirýshiler olardyń baǵalaryn ósirgen, biraq Almatynyń dárihana jelileri Densaýlyq saqtaý mınıstrligi bekitken baǵany ustanýda.

«Óndirýshiler pandemııaǵa deıin maskalardy 11 teńgemen shyǵaryp, 15 teńgemen satatyn. Sońǵy jetkizilim bizde 96 teńgeden boldy. Keıin óndirýshiler baǵany kóterdi. Bizdi satý baǵasymen shektedi. Iaǵnı, bir maska 118 teńgeden  satylatyn boldy. Al biz olardy 115 teńgeden satýǵa sheshim qabyldadyq»,- dedi K. Áýbákirov.

Termometrlerdiń baǵasy týraly da sóz etti. «Qajettilik týyndaǵanǵa deıin bir termometr 80 teńgeden satyldy. Qazir olardyń satylý baǵasy - 860 teńge. Óndirýshiler baǵany  kóterdi, dıstrıbıýterler olardy qoldady, biraq biz ózimizdiń standarttyq baǵamyzdy ózgertpedik», - dedi ol.

Qazaqstanda 2020 jyldan bastap dári-dármekterge shekti baǵalar engizilgen.

«Eger dárihana preparattyń baǵasyn kóterip satatyn bolsa, onda aıyppul tóleıdi. Ekinshi ret qaıtalasa, 6 aıǵa lıenzııasynyń toqtatylǵany týraly  eskertpeni alatyn bolady», - dedi dárihanalar jelisiniń basshysy jáne baǵany kóterýge ózderiniń múddeli emes ekendikterin de jetkizdi.

 

Sońǵy jańalyqtar