8 Shilde, 20:27 353 0 Jańalyqtar Anar LEPESOVA

M. Dýrmanova: Almaty qoımalarynda ystyqty túsiretin dáriler jetkilikti mólsherde

Farmaevtıkalyq qyzmetti qoldaý jáne damytý Qoǵamdastyǵynyń basshysy Marına Dýrmanova Almatynyń qoımalarynda qabynýdy toqtatatyn jáne ystyqty túsiretin preparattar jetkilikti mólsherde ekenin aıtty.

M. Dýrmanova qazirgi kezde qala ákimdiginiń qoldaýy arqasynda óndirýshilermen jáne iri jetkizýshilermen birge halyqty dári-dármekpen qamtamasyz etý úshin qoldan kelgenniń bári jasalyp jatqandyǵyn habarlady.

«Birinshiden, bul preparattar Densaýlyq saqtaý mınıstrliginiń hattamasynda jazylǵan. Olar – paraetamol, aspırın, ıbýprofen. Iaǵnı, qabynýdy toqtatyn, ystyqty túsiretin dáriler. Aıtar bolsaq, paraetamol qalaǵa qajetti mólsherde jetkizildi. 30 myń termometr satylymǵa tústi. Endi taǵy 40 myńyn jetkizý josparlanǵan. Kelesi aptada taǵy 2 mln jýyq paraetomoldy tasymaldaý josparda bar. Kóterme saýda kompanııalary tasymaldaıtyn bolady. Demek, Almaty paraetomolmen tolyq qamtamasyz etiledi», — dedi M. Dýrmanova.

Bulardan ózge, onyń aıtýy boıynsha qala dárihanalaryna sıstema qoıatyn jáne shprı sııaqty túrli medıınalyq zattar da tolyǵymen jetkiziledi.

Qaýymdastyq basshysy dárihanalar aldyndaǵy kezekter týraly da sóz etti. Munda Almaty qalasynyń memlekettik bas sanıtarlyq dárigeriniń qaýlysy boıynsha sanıtarlyq erejeler men normalar jáne áleýmettik qashyqtyq mindetti túrde saqtalýy tıis.

«Kezekti azaıtý úshin biz adamdardyń barlyǵyn birden ishke kirgize almaımyz.Qaýipsizdikti qamtamasyz etý úshin kelýshiler arasyndaǵy qashyqtyq kem degende 1,5-2 metr bolýy tıis», — dedi M. Dýrmanova.

Eske salsaq, búgin Almaty qalasynyń ákimi Baqytjan Saǵyntaev farmındýstrııa ókilderimen dári-dármekter men medıınalyq zattardy úzilissiz jetkizýdi qamtamasyz etý týraly selektorlyq keńes ótkizgen bolatyn. Qala ákimi tıisti qyzmetterge medıınalyq preparattar men zattardyń esh kedergisiz ótýin qamtamasyz etýdi tapsyrdy. Qajet bolsa salyqtyq jáne kedendik ákimgerlikti, sonymen qatar sheteldik taýar sertıfıkattaryn alýdy jedeldetý qajettigin qadap turyp aıtty.

Sońǵy jańalyqtar