8 Shilde, 18:21 3169 0 Ekonomıka Anar LEPESOVA

42 500 teńge alǵandar nesıe ala almaı júr – Vıe-mınıstr jaǵdaıdy túsindirdi

Qarjy vıe-mınıstri Berik Sholpanqulov 42 500 teńgeni alǵannan keıin bankterden kredıt ala almaı júrgen qazaqstandyqtarǵa keńes berdi, dep habarlaıdy Sputnik Qazaqstan. 

"Qarjy naryǵyn retteý jáne damytý agenttigi qabyldaǵan normatıvtik-quqyqtyq aktige sáıkes, 42 500 teńgeniń tólemderi memlekettik áleýmettik saqtandyrý qorynan tólendi jáne adamnyń kredıttik tarıhyn buzýǵa negiz bola almaıdy. Sondyqtan bank osy sebepke baılanysty kredıt berýden bas tartsa, kez kelgen adam quziretti organǵa shaǵym túsire alady", - dedi Sholpanqulov búgingi onlaın brıfıngte.

Aıta keteıik, tótenshe jaǵdaı kezinde jumyssyz qalǵan azamattarǵa 42 500 teńgeden berilgen bolatyn. Sol kezde 8 mıllıonnan astam adam ótinish joldaǵan. Olardyń ishinde 4 mıllıon 607 myń adam tólemdi aldy. Memlekettik áleýmettik saqtandyrý qorynan barlyǵy 322 mıllıard teńge bólingen bolatyn.

Eńbek jáne halyqty áleýmettik qorǵaý mınıstri Birjan Nurymbetovtyń aıtýynsha, qordyń qarjylyq múmkindigi shekteýli. Sondyqtan eki aptalyq karantın kezinde 42 500 teńgeni tóleý jospary joq.

 

Sońǵy jańalyqtar