8 Shilde, 10:46 902 0 Jańalyqtar Anar LEPESOVA

Belgili akter Darhan Daıyrbek dúnıeden ótti

Qazaqstannyń mádenıet qaıratkeri, tanymal akter Darhan Daıyrbek 52 jasynda ómirden ozdy. Bul týraly rejısser ári prodıýser Nurtas Adambaı Facebook-paraqshasynda jazdy.

«Búgin túnde tanymal akter Darhan Daıyrbek ómirden ozdy. Bizdiń stýdııa barlyq týǵan-tystary men jaqyndaryna qaıǵyryp kóńil aıtady. Darhan aǵa barlyq ýaqytta óte kóńildi júretin, qaıyrymdy edi. Biz onyń dál sondaı jarqyn beınesin este saqtap qalamyz. Dáke, rólderińiz úshin, jumysqa, adamdarǵa degen qarym-qatynasyńyz úshin rahmet. Imandy bolyńyz!»,- dep jazdy Nurtas Adambaı.

1968 jyly Almaty qalasynda dúnıege kelgen Darhan Daıyrbek Júrgenov atyndaǵy Qazaq ulttyq óner akademııasyn bitirgen. Akademııany aıaqtaǵannan keıin Ǵabıt Músirepov atyndaǵy Balalar men jasóspirimder teatrynda jumys istegen. «Terisqaqpaı» teatrynyń ártisi retinde de kórermenniń ystyq yqylasyna bólengen.

Ol kıno akteri retinde «Ákim», «Qudalar», «Tamada isi», «Qazaqsha tonaý» fılmderine, «Bastyq bolamyn», «Baqytsyzdar baǵy», «Eldiń balasy», «Kúı-ǵumyr» serıaldaryna túsken.

 

Sońǵy jańalyqtar