6 Shilde, 21:06 465 0 Jańalyqtar Asyl TUMAR

#Elbasymenbirge: jasotandyqtar jańa chellendj bastady

Elorda kúnine jáne Elbasynyń 80 jyldyq mereıtoıyna oraı jasotandyqtar Instagram jáne Facebook áleýmettik jelilerinde #Elbasymenbirge atty chellendjin bastady.

Osy chellendj aıasynda Qazaqstannyń barlyq óńirleriniń mádenıet jáne sport ókilderi, ınflıýenserler, jas kásipkerler, memlekettik qyzmetkerler men jastarynyń qatysýymen 100-den asa beınerolıkter jarııalandy. Elbasynyń sýreti beınelengen jeıdelerdi kıgen beınerolıkterdiń spıkerleri N.Nazarbaevpen baılanysty ózderiniń estelikterimen (kezdesýler, forýmdarda/is-sharalardaǵy sóz sóıleý, marapat alý) bólisti.

Budan basqa, «Jas Otan» jastar qanatynyń qyzmetkerleri men belsendileri #Elbasymenbirge heshtegimen Elbasyna arnalǵan quttyqtaý posttaryn jarııalaýda. Osy akııaǵa jastar qanatynyń 3000-nan astam belsendi músheleri qatysyp, Facebook jáne Instagram jelilerinde 500-den astam post jarııalandy. Jasotandyqtar óz estelikterimen bólisip, Elbasyǵa degen jyly lebizderin bildirdi.

Atalǵan chellendjge kınoaktrısa, Qazaqstannyń eńbek sińirgen qaıratkeri, Kann kınofestıvaliniń júldegeri Samal Eslıamova, erkin kúresten qazaqstandyq balýan, Olımpıada oıyndarynyń qola júldegeri, Azııa chempıony, halyqaralyq týrnırlerdiń chempıony jáne júldegeri Aqjúrek Tańatarov, «QR Prezıdentiniń «Bolashaq» halyqaralyq stıpendııasy stıpendıattarynyń qaýymdastyǵy» qoǵamdyq birlestiginiń atqarýshy dırektory Laýra Demesınova, «Volonterler lıgasy» QQ tóraıymy Aısulý Ernııazova, «Nur-Sultan qalasy Jastar saıasaty máseleleri basqarmasynyń» basshysy Dáýlet Káribek jáne t.b. qatysty.

Sońǵy jańalyqtar