6 Shilde, 09:17 619 0 Jańalyqtar Asyl TUMAR

Búgin QR Tuńǵysh Prezıdenti – Elbasy Nursultan Nazarbaev 80 jasqa toldy

Nursultan Ábishuly Nazarbaev 1940 jylǵy 6 shildede Almaty oblysy, Qaskeleń aýdany, Shamalǵan aýylynda dúnıege kelgen.

1967 jyly Qaraǵandy metallýrgııa kombınaty janyndaǵy joǵary tehnıkalyq oqý ornyn bitirdi.

Ekonomıka ǵylymdarynyń doktory. Qazaqstan Respýblıkasy Ulttyq ǵylym akademııasynyń akademıgi. Birqatar shet memleketter men elimizdiń jetekshi ýnıversıtetteriniń qurmetti professory jáne doktory. Kóptegen kitaptar men ǵylymı maqalalardyń avtory.

1960-1969 jyldary Qaraǵandy metallýrgııa zaýytynda jumys istedi.

1969-1973 jyldary Qaraǵandy oblysy Temirtaý qalasyndaǵy partııa-komsomol jumystarynda jaýapty qyzmetter atqardy.

1973-1977 jyldary – Qaraǵandy metallýrgııa kombınatynyń partkom hatshysy.

1977-1979 jyldary – Qaraǵandy oblystyq partııa komıtetiniń hatshysy, 2-hatshysy.

1979-1984 jyldary – Qazaqstan KP Ortalyq Komıtetiniń hatshysy.

1984-1989 jyldary – Qazaq KSR Mınıstrler Keńesiniń tóraǵasy.

1989-1991 jyldary – Qazaqstan KP OK birinshi hatshysy, 1990 jylǵy aqpan-sáýir aralyǵynda Qazaq KSR Joǵary Keńesiniń tóraǵasy.

1990 jyldyń sáýirinen Qazaqstan Respýblıkasynyń Prezıdenti boldy.

1991 jyldyń 1 jeltoqsanynda tuńǵysh ret Qazaqstan Prezıdentiniń jalpyhalyqtyq saılaýy ótti. Saılaý nátıjesinde Nursultan Ábishuly Nazarbaev basym daýyspen (98,7 paıyz) jeńiske jetti.

1995 jyldyń 29 sáýirinde jalpyhalyqtyq referendým nátıjesinde Qazaqstan Respýblıkasy Prezıdenti N.Á.Nazarbaevtyń ókilettigi 2000 jylǵa deıin uzartyldy.

1999 jyldyń 10 qańtarynda ótken balamaly saılaýdyń nátıjesinde N.Nazarbaev 79,78 paıyz daýys alyp, Qazaqstan Respýblıkasy Prezıdenti bolyp qaıta saılandy.

2011 jyldyń 3 sáýirinde saılaýshylardyń 95,5 paıyz daýysymen Qazaqstan Respýblıkasynyń Prezıdenti bolyp qaıta saılanǵan-dy.

2015 jylǵy 26 sáýirde ótken kezekten tys saılaýda da aıqyn jeńiske jetti.

2019 jylǵy 19 naýryzda Nursultan Nazarbaev «Qazaqstan Respýblıkasy Prezıdentiniń ókilettigin atqarý týraly» № 887 jarlyqqa qol qoıyp, Prezıdent laýazymynan óz erkimen ketti.

Dál osy jarlyqqa sáıkes, 2019 jylǵy 20 naýryzdan bastap Qazaqstan Respýblıkasy Prezıdentiniń ókilettigi qalǵan merzimge Qazaqstan Respýblıkasy Parlamenti Senatynyń tóraǵasy – qazirgi Memleket basshysy Qasym-Jomart Toqaevqa Qazaqstan halqyna ant bergen sətinen bastap kóshti.

Sońǵy jańalyqtar