5 Shilde, 11:10 7045 0 Jańalyqtar Asyl TUMAR

Dárigerlerdiń ótinishi: búırek pen baýyrdy saqtańyzdar

Qazaqstandyq dárigerler men Densaýlyq saqtaý mınıstrliginiń basshylyǵy áleýmettik jelilerdegi akkaýnttarynda «jan aıqaıyn» jarııalap, el turǵyndaryna Whats App arqyly emdelýdi doǵarýdy, bir-birine koronavırýsty «emdeý hattamalaryn» taratpaýdy ótindi, – dep jazdy Qazaqparat.

«Barlyǵyn doǵarýyńyzdy ótinemin! Whats App arqyly taraǵan habarlamalarmen emdelmeńizder! Bireýler jibergen «emdeý hattamasyn« taratýdy qoıyńyzdar», – dep jazdy dáriger, Otbasylyq dárigerler qaýymdastyǵynyń oqytýshy-keńesshisi Elena Hegaı.

Sonymen qatar ol áriptesterin úı jaǵdaıynda Deksametazon men Prednızolon dárilerin taǵaıyndaýǵa, sonymen qatar úıde ishýge 8-15 preparat jazyp berýdi qoıýǵa shaqyrdy. «Ambýlatorlyq kezeńde negizgi nazar sımptomdar men belgilerge, sımptomdyq emdeýge (jyly suıyqtyqty úzdiksiz ishý, tolyqqandy emdeý jáne teńgerimdi tamaqtaný) aýdarylyp, qarqyndy baqylaý júrgizilýi tıis. Dárileri – Ibýprofen nemese paraetamol», – dep keńes beredi ol.

E.Hegaıdyń atap ótýinshe, tipti antıbıotıktiń ózi naýqastardyń basym bóligine aýrýdyń alǵashqy 7-10 kúninde taǵaıyndalýy tıis.

«Eger ol (antıbıotık) taǵaıyndalǵannyń ózinde tek bir preparatqa ǵana jáne tabletka túrinde», – dedi dáriger.

Dárigerlerdiń atap ótýinshe, búgingi kúni COVID-19-ǵa qarsy tıimdiligi dáleldengen birde-bir dári joq. Aıklovır gerbes tobyna kiretin vırýstarǵa qarsy qoldanǵanda ǵana tıimdi. Al Oseltamıvır tumaýǵa ǵana paıdaly.

«Búırekterińiz ben baýyrlaryńyzdy saqtańyzdar. Ol tynys alý jetispeýshiligi jáne basqa da sımptomdar órshigen kezde staıonarǵa jatatyndar úshin asa qajet bolady. Óıtkeni, olarǵa preparattar óte kóp egiledi. Mundaıǵa qandaı búırek, qandaı baýyr shydas bermek? Adamdar COVID-19 aýrynyń ózinen ǵana emes, sonymen birge medıınalyq kómek alýdyń barlyq kezeńindegi aıaýsyz emdelýdiń saldarynan ólip qalýy múmkin», – dedi dáriger.

Sońǵy jańalyqtar