4 Shilde, 12:12 2528 0 Jańalyqtar Asyl TUMAR

B.Baıbek: Elbasynyń bastamasymen 550 000 otbasyǵa 50 000 teńgeden berildi

Qurmetti dostar, barshańyzdy aldaǵy astanamyz – Nur-sultan kúnimen quttyqtaımyn! «Nur Otan» partııasy Tóraǵasynyń birinshi orynbasary Baýyrjan Baıbek Instagram jelisindegi paraqshasynda quttyqtaý jazbasyn qaldyrdy.

«Qurmetti dostar, barshańyzdy aldaǵy Astana kúnimen quttyqtaımyn! Elbasynyń tapsyrmasy boıynsha #BizBirgemiz akııasynyń tórtinshi kezeńi atqaryldy. Elimizdiń aýyldyq eldi mekenderindegi taǵy 80 myńnan astam muqtaj otbasy 50 myń teńgeden aldy.

Elbasy Nursultan Nazarbaevtyń bastamasymen «Birgemiz» qorynyń birjolǵy qarjylyq qoldaýymen 550 myńnan astam otbasy qamtyldy. Otbasy múshelerin qosa eseptegende, bul – 2 mıllıondaı qazaqstandyq.

Sonymen birge turmysy tómen 100 myń muqtaj otbasyǵa 5 mıllıonnan astam tegin maska úlestirildi.

«Nur Otan» partııasy men Tuńǵysh Prezıdent Qory jelisi boıynsha 300 myńdaı otbasy azyq-túlik sebetin aldy. Bul iske «Jas Otan» jastar qanatynyń 5 myńnan astam volonteri atsalysty.

Nurotandyqtar Túrkistan oblysynyń sý basqan aýyldarynyń turǵyndaryna myń tonnadan astam gýmanıtarlyq kómek jóneltti. Shilde aıynda Dostyq aýylynyń tasqynnan zardap shekken turǵyndaryna arnalǵan úıler salynyp bitedi.

Keshe Nursultan Ábishuly Qazaqstan halqyna arnalǵan úndeýinde atap kórsetkendeı, «Biz ótkerip jatqan kúrdeli kezeń – búkil adamzattyń basyna túsken syn-synaq. Syrqatpen kúrestiń eń aldyńǵy shebinde júrgen dárigerler adamdardy aman alyp qalý úshin barlyq kúshin jumsaýda. Elimizdiń Prezıdenti men Úkimeti qalyptasqan jaǵdaıdy túzetý úshin qajetti barlyq sharany qabyldaýda. Alaıda kóp nárse ózimizge baılanysty. Halqymyz basqa túsken qıyndyqty óziniń qaırat-jigeri, uıymshyldyǵy, bolashaqqa degen umtylysy arqyly búkil halyqaralyq qoǵamdastyqpen birge laıyqty túrde eńserip, aman-esen shyǵaryna senimdimin. Biz taǵy da jeńimpaz bolamyz. Elimizdiń jaqsy kúnderi alda. Biz birgemiz!» – dep jazdy Baýyrjan Baıbek.

 

Sońǵy jańalyqtar