3 Shilde, 19:43 6512 0 Áleýmet Anar LEPESOVA

Ataýly áleýmettik kómek taǵaıyndaý merzimi qalaı uzartylady

30 maýsymǵa deıin ataýly áleýmettik kómek alýǵa ótinim bergen almatylyqtar qujattaryn jańartý úshin áleýmettik ál-aýqat bólimine barmaı-aq, avtomatty túrde kómek alady.

Bul týraly Almaty qalasy áleýmettik ál-aýqat qory basqarmasy basshysynyń orynbasary Danııar Álkebaıuly aıtty, dep habarlaıdy Sputnik Qazaqstan.

Ol sondaı-aq, ataýly áleýmettik kómekti resimdeý úshin qala turǵyndarynan aýdandaǵy bólimderge barmaýyn ótindi.

"Memleket basshysynyń tapsyrmasymen shyndyqty, ádiletti jáne eńbekke yntalandyrýdy qamtamasyz etý maqsatynda 2020 jyldyń basynan ataýly áleýmettik kómek  kórsetýdiń jańa tetigi engizildi. Soǵan sáıkes, AÁK taǵaıyndaý úshin azamattar toqsan saıyn qujattardy qaıta tapsyrýy qajet", - dedi Álkebaıuly.

Alaıda osyjyldyń ekinshi toqsany ýaqytynda elde tótenshe jaǵdaı jarııalanyp, atalǵan kómekti alýshymen tikeleı baılanys boldyrmaý maqsatynda AÁK taǵaıyndaý merzimi ótinish bermeı-aq, avtomatty túrde uzartyldy.

"Qazir koronavırýs indeti boıynsha jaǵdaıdy eskere otyryp, sonymen qatar kórsetiletin qyzmetti alýshymen tikeleı qatynasty boldyrmaý úshin mınıstrlik AÁK alýshylarynyń ekinshi toqsandaǵy tabysy negizinde avtomatty túrde úshinshi toqsanǵa ótinish berýdi qarastyratyn buıryq jobasyn daıyndap jatyr ", - dedi ol.

Ol turǵyndardan 30 maýsymǵa deıin jyldyń úshinshi toqsanyna qujatty qaıta tapsyrý úshin aýdandyq áleýmettik ál-aýqat bólimderine barmaýdy suraımyz. Atalǵan azamattardyń ótinishteri aqparattyq júıe arqyly avtomatty túrde qaralady.

Sonymen qatar osy ýaqytqa deıin ataýly áleýmettik kómek alýǵa ótinish bermegen azamattar "Elektrondy úkimet" portaly arqyly "elektrondy ótinish" paraqshasyna ótip, jeke basyn kýálandyratyn qujatty qosyp, ótinish bere alady.

Aıta keteıik, Almatyda 2020 jyldyń 1 shildesine deıin ataýly áleýmettik kómek 4 419 adamǵa berildi.

 

Sońǵy jańalyqtar