3 Shilde, 14:15 662 0 Kólik Anar LEPESOVA

Bek Air-ge qatysty ekinshi sot isi qozǵaldy

QR Saýda jáne ıntegraııa mınıstrliginiń Tutynýshylardyń quqyqtaryn qorǵaý komıteti «Bek Eır» AQ-qa ekinshi sot isin qozǵady. 

«Búgin, 2020 jylǵy 3 shildede Tutynýshylardyń quqyqtaryn qorǵaý komıteti (TQQK) «Bek Eır» AQ-na qatysty Almaty qalasynyń Túrksib aýdandyq sotyna ekinshi sot isin bastaýǵa jiberdi. TQQK jalpy quny 5 902 916 teńgege 177 bılet satyp alǵan 81 adamnyń múddesine ókildik etedi. TQQK talaby – budan buryn áýe reısterge satyp alynǵan bıletterdiń tolyq qunyn qaıtarýǵa «Bek Eır» AQ qyzmetine tutynýshylardyń quqyǵyn moıyndatý jáne tutynýshynyń paıdasyna áýe bılet úshin tólengen somany qaıtarý», - delingen  mınıstrlik habarlamasynda.

Barlyq kelip túsken ótinishter sot isine qosymsha engiziledi. Ol úshin tutynýshylar TQQK-ne belgilengen formadaǵy ótinishti jiberý kerek. Ótinishter elektrondyq úkimettiń portaly jáne telegramm bot arqyly qabyldanady.

Ótinishpen qatar mynalardy qosa tirkeý kerek: jeke basyn kýálandyratyn qujattardyń kóshirmeleri (jeke kýálik, tólqujat, týý týraly kýálik); tólemdi rastaıtyn qujattardyń kóshirmeleri (fıskaldy túbirtegi jáne t.b.); bılettiń kóshirmesi; ótinish berýshiniń banktik derektemeleri týraly málimetter (bankten anyqtama); tutynýshy osy másele boıynsha Bek Eır kompanııasymen buryn baılanysqandyǵyn rastaıtyn qujattar (kóshirmeler, skrınshottar jáne t.b.).

 

Sońǵy jańalyqtar