3 Shilde, 10:34 1066 0 Jahan Anar LEPESOVA

Kım Chen Yn KHDR aýmaǵynda nelikten koronavırýs joq ekenin túsindirdi

KHDR basshysy Kım Chen Ynnyń aıtýynsha,  koronavırýstyń el aýmaǵyna enbeýi Eńbek partııasy Ortalyq komıtetiniń jáne halyq birligi arqasy.

Soltústik Koreıa basshysy mundaı pikirdi Eńbek partııasy Ortalyq komıteti saıası bıýrosynyń keńeıtilgen otyrysyna aıtty, dep habarlaıdy RIA Novostı.

"Qurmetti joǵarǵy basshy alty aılyq memlekettik tótenshe jaǵdaıdy baqylaý jáne epıdemııaǵa qarsy jumystardy naqty taldap, dúnıejúzilik densaýlyq saqtaý daǵdarysyna qaramastan, biz qaterli vırýstyń bizdiń aýmaqqa kirýine tolyqtaı tyıym salyp otyrǵanymyzdy jáne turaqty epıdemııaǵa qarsy ahýaldy saqtaıtynymyzdy málimdedi", – delingen Koreıanyń ortalyq telegraf agenttigi habarlamasynda.

Agenttiktiń habarlaýynsha, Kım Chen Yn bul jetistikke "partııanyń Ortalyq Komıtetiniń kóregendikpen basqarýshylyq qabileti men partııanyń buıryǵy men jarlyǵyna saı jumyla áreket etetin búkil halyqtyń joǵary sanaly aýyzbirshiliginiń arqasynda qol jetkizilgenin" atap ótken.

Resmı derekterge sáıkes, kúni búginde deıin KHDR-da koronavırýs indetin juqtyrýdyń birde-bir deregi anyqtalmaǵan.

Sońǵy jańalyqtar