3 Shilde, 09:06 1597 0 Densaýlyq Anar LEPESOVA

Koronavırýsty jeńgen Elbasy qazaqstandyqtarǵa úndeý jasady

Elbasy Nursultan Nazarbaev Qazaqstan halqyna úndeý joldady. Úndeýdiń  tolyq mátinin oqyrman nazaryna usynamyz.

Qymbatty otandastar!

Qadirli dostar!

Ózderińiz biletindeı, koronavırýs ınfekııasynyń qaterli pandemııasy álemniń kóptegen elderin, sonyń ishinde Qazaqstandy da sharpydy. Mıllıondaǵan adam osy aýyr dertpen syrqattandy, ol meni de aınalyp ótken joq. Birqatar shet memleketter men úkimetter basshylarynyń, kórnekti saıasatkerler men qoǵam qaıratkerleriniń shynaıy janashyrlyǵyn tanytyp, maǵan moraldyq qoldaý kórsetkeni kóńilimdi tebirentti. Barshasy qaltqysyz nıettestigin jetkizip, sergektik tilep, tezirek saýyǵyp ketýime tilektestigin joldady, sol úshin bárine zor rızashylyǵymdy bildiremin.

Olardyń qatarynda Reseı Prezıdenti Vladımır Pýtın, Qytaı Halyq Respýblıkasynyń Tóraǵasy Sı zınpın, Qyrǵyzstan Prezıdenti Sooronbaı Jeenbekov, Ózbekstan Prezıdenti Shavkat Mırzıeev, Tájikstan Prezıdenti Emomalı Rahmon, Túrikmenstan Prezıdenti Gýrbangýly Berdymýhamedov, Túrkııa Prezıdenti Redjep Taııp Erdoǵan, Amerıka Qurama Shtattarynyń Memlekettik hatshysy Maıkl Pompeo, Birikken Arab Ámirlikteriniń Prezıdenti Halıfa Zaıd Ál Nahaıan, Úndistannyń Premer-mınıstri Narendra Modı, Japonııa Premer-mınıstri Sındzo Abe, Iordanııa Koroli II Abdalla ben ál-Hýseın, Ázerbaıjan Prezıdenti Ilham Álıev, Armenııa Prezıdenti Armen Sarkısıan, Ýkraına Prezıdenti Vladımır Zelenskıı, Koreıa Respýblıkasynyń Prezıdenti Mýn Chje In, Pákstan Prezıdenti Arıf Alvı, Izraıl Prezıdenti Reýven Rıvlın, Serbııa Prezıdenti Aleksandr Výchıch, Horvatııa Prezıdenti Zoran Mılanovıch jáne t.b. bar. Bárin túgel atap shyǵý múmkin emes, biraq men olardyń barlyǵynyń joldaǵan hat-habarymen tanystym. Qymbatty dostar, sizderdiń shyn kóńilden shyqqan tilekterińiz, ystyq yqylastaryńyz maǵan kúsh berip, ómirge qulshynys-qýatymdy arttyrdy. Barshańyzǵa basymdy ıip, zor densaýlyq pen tabys tileımin.

Men elimizdiń kóptegen óndiris ujymdarynan, eńbek ardagerlerinen, áskerı qyzmetshilerden, stýdentter men oqýshylardan – óz qoldaýy men tilektestikterin jetkizip, maǵan myqty densaýlyq tilep, tolyq saýyǵyp ketýime nıettestik bildirgen kóp qazaqstandyqtardan hattar men jedelhattar, sondaı-aq áleýmettik jeli arqyly joldanǵan hat-habarlar aldym.

Maǵan shynaıy janashyrlyǵy men qoldaýyn ǵylymı qoǵamdastyq pen shyǵarmashylyq zııaly qaýymnyń ókilderi de bildirgenin rızashylyqpen aıta ketkim keledi. Olardyń arasynda Serik Qırabaev pen Álııa Beısenova, Bıbigúl Tólegenova, Tóregeldi Sharmanov, Myrzataı Joldasbekov, Sultan Orazalın, Ǵarıfolla Esim, Nesipbek Aıtuly, Jandarbek Málibekov, Talǵat Temenov jáne basqa da Qazaqstanǵa keńinen tanymal qaıratkerler boldy.

Meniń atyma Olga Rypakova, Dmıtrıı Balandın, Ilıa Ilın, Álııa Iýsýpova, Zarına Dıas sııaqty belgili sportshylarymyz izgi tilekterin bildirdi. Barshańyzǵa kóp rahmet aıtamyn! Men bárińizdi de bilemin. Sizder jáne basqa da jastar – táýelsizdik perzentterisizder. Densaýlyq pen baqyt tileımin!

Dárigerlerdiń kúsh-jigeri jáne olardyń talaptaryn múltiksiz oryndaýdyń, sondaı-aq barshanyń qoldaýy men jyly sózderiniń arqasynda men syrqattan saýyǵyp shyqtym, qazir ózimdi jaqsy sezinemin, tolyqqandy jumysqa kiriskeli otyrmyn. Halqymmen birge bul syrqattyń búkil aýyrtpashylyǵyn sezindim, qazir emdelip jatqandardyń bárine tózim men qajyr-qaırat jáne tezirek saýyǵyp ketýlerin tileımin.

Biz ótkerip jatqan kúrdeli kezeń – búkil adamzattyń basyna túsken syn-synaq. Syrqatpen kúrestiń eń aldyńǵy shebinde júrgen dárigerler adamdardy aman alyp qalý úshin barlyq kúshin jumsaýda. Bul rette medıına qyzmetkerleriniń eńbegine baǵa jetpeıdi – muny qazirgi ýaqyt aıqyn kórsetip otyr. Bolashaqta da otandyq densaýlyq saqtaý salasyna basa kóńil aýdaryp, ony damytýǵa qajetti qarjylyq jáne materıaldyq resýrstar bólý kerek. Osy oraıly sátte elimizdiń medıına qyzmetkerlerine erekshe rızashylyǵymdy bildiremin.

Esterińizde bolar, táýelsizdiktiń bastapqy jyldary meniń sheshimimmen arnaýly Ulttyq qor qurylyp, altyn-valıýta rezervi jasaldy. Bul bizge álemdik eki birdeı daǵdarysty jeńip shyǵýǵa septigin tıgizdi jáne sol qarajat qazir Úkimetke pandemııaǵa qarsy aýqymdy jumys pen turmysy tómenderge qoldaý kórsetý barysynda kómegin tıgizýde. Eger aldaǵy ýaqytta ony aqylmen, únemdep paıdalana bilsek, ózge syn-qaterlerdi de tıimdi eńsere alamyz. Qazaqstannyń basqa elder aldynda qaryzy eń tómen memlekettiń biri ekeni de bizdiń artyqshylyǵymyz.

Elimizdiń Prezıdenti men Úkimeti qalyptasqan jaǵdaıdy túzetý úshin qajetti barlyq sharany qabyldaýda. Alaıda kóp nárse ózimizge baılanysty. Dárigerler biz úshin qoldarynan kelgenniń bárin jasap jatyr. Alaıda bul aýrýdy juqtyrýdan saqtaný kóbinese ár adamnyń ózine baılanysty. Tózimdi bolý kerek, ásirese, jastarǵa. Qajetti gıgıena talaptaryn oryndap, tezirek vakına paıda bolaryna úmittene otyryp, aýrý juqtyrýdan barynsha uzaǵyraq ýaqyt saý bolýǵa tyrysqan jón. Tártip saqtap, óz densaýlyǵymyzdy, týǵan-týystar men jaqyndardyń amandyǵyn oılaýymyz qajet, dárigerlerge sený kerek.

Halqymyz basqa túsken qıyndyqty óziniń qaırat-jigeri, uıymshyldyǵy, bolashaqqa degen umtylysy arqyly búkil halyqaralyq qoǵamdastyqpen birge laıyqty túrde eńserip, aman-esen shyǵaryna senimdimin. Biz taǵy da jeńimpaz bolamyz. Elimizdiń jaqsy kúnderi alda. Biz birgemiz! Biz jeńemiz! Bizdiń uranymyz osy. Barlyq otandastarymyzǵa myqty densaýlyq pen ıgilik, elimizge baq-bereke tileımin!

 

Sońǵy jańalyqtar