2 Shilde, 14:17 1046 0 Qoǵam Anar LEPESOVA

Qatań karantın taǵy eki aptaǵa uzartylýy múmkin – Premer-mınıstr

Epıdemıologııalyq ahýal jaqsarmasa, elimizde shekteý sharalary taǵy 2 aptaǵa uzartylýy múmkin.

Bul týraly Memlekettik komıssııa otyrysynda QR Premer-Mınıstri Asqar Mamın málimdedi.

Úkimet basshysynyń aıtýynsha, elimizdegi epıdemıologııalyq ahýaldyń aldaǵy ýaqytta qalaı ózgeretinine baılanysty atalǵan shekteý sharalary 2 aptaǵa uzartylýy nemese qatańdatylýy múmkin.

Aıta keteıik, buǵan deıin Úkimet otyrysynda 5 shildeden bastap 14 kúnge shekteý sharalaryn engizý týraly sheshim qabyldanǵanyn habarlaǵanbyz.

Bul sheshim Memleket basshysy Qasym-Jomart Toqaevtyń elimizdegi epıdemıologııalyq ahýaldy turaqtandyrý jónindegi tapsyrmasyna saı qabyldanyp otyr.

Elimizde indet juqtyrǵandar sanynyń kúrt ósýi Úkimetti qatań sharalardy qolǵa alýǵa májbúrledi. Ótken táýlikte elimizde 1509 adamnan koronavırýs anyqtalyp, respýblıka boıynsha indetke shaldyqqandardyń jalpy sany 42 574-ke jetti.

 

Sońǵy jańalyqtar