2 Shilde, 13:26 509 0 Mádenıet Araılym Bımendıeva

«Abaı» operasy onlaın kórsetiledi

«Astana Opera» jaz aıynda TengriTV jáne teatr saıty arqyly ónersúıer qaýymnyń nazaryna 20-dan astam opera, balet spektaklderi men konertterdi usynady.

Onlaın kórsetilimderdiń repertýary eresekterge, jas kórermenderge, balalarǵa da laıyqtalǵan. Osylaısha, teatr mýzykatanýshylary mektepke deıingi jáne mektep jasyndaǵy jetkinshekterdiń nazaryna «Balalarǵa arnalǵan klassıka», «Teatrǵa saıahat» jáne «Balalar teatrǵa shaqyrady» toptamalaryn usynady.

Al balet spektaklderi eresekter aýdıtorııasyn tamasha kóńil-kúıge bóleıdi, atap aıtqanda, olar «Astana Opera» balet trýppasynyń kórkemdik jetekshisi, Reseıdiń Halyq ártisi Altynaı Asylmuratovanyń qoıylymyndaǵy Lıýdvıg Mınkýstyń «Don Kıhot», Adolf Adannyń «Korsar», Frıderık Shopenniń mýzykasyna «Shopenıana» jáne t.b. ataqty horeograftardyń qoıylymdaryndaǵy ózge de baletterdi tamashalaı alady.

Opera janry ulttyq jáne batys eýropalyq klassıka jaýharlary – Evgenıı Brýsılovskııdiń «Qyz Jibek», Ahmet Jubanov pen Latıf Hamıdıdiń «Abaı», Djoakkıno Rossınıdiń «Jibek saty», Djakkomo Pýchchınıdiń «Toska» jáne t.b. operalaryn usynady.

«Astana Operanyń» bas dırıjeri Alan Bóribaevtyń teatrdyń Úlken zalynda júzege asyrǵan «Italııadan kelgen hattar» jáne dırıjer Abzal Muhıtdın iske asyrǵan «Jyldyń segiz mezgili: Antonıo Vıvaldı men Astor Pıaolla» jobalary shilde jáne tamyz aılarynda kórsetiletin bolady. Translıaııalar qataryna «Astana Opera» Kameralyq zalynda ótkizilgen tamasha konertter de qosylady.

Uly oıshyl, aǵartýshy, fılosof Abaı Qunanbaıulynyń týǵan kúni 10 tamyzda kórermender aýdıtorııasyna usynylatyn Ahmet Jubanov, Latıf Hamıdıdiń «Abaı» operasy osy jazdyń eń aıtýly onlaın oqıǵalarynyń biri bolmaq.

Aıta ketetin bolsaq, TengriTV-diń dızaıny da ózgergen. Qazir ol paıdalanýshylar úshin anaǵurlym yńǵaıly: endi burynǵydaı bir aptaǵa arnalǵan translıaııalar kestesimen emes, bir aılyq kestemen tanysýǵa bolady. Budan bólek, oqyrmandar ótkiziletin kúni men ýaqyty kórsetilgen súıikti spektaklderin tez ári ońaı taýyp alýlary úshin ózderine «vızýaldyq kesteni» saqtaı alady.

Sońǵy jańalyqtar