2 Shilde, 09:33 886 0 Atajurt Baqytbek Qadyr

Qandastardy qujattandyrý máselesi jeńildetildi

Qandastardan talap etiletin qujattar tizimi 46-dan 20-ǵa deıin qysqartyldy.

Aqparat jáne qoǵamdyq damý mınıstri Aıda Balaeva elge oralǵan qandastarymyzǵa qujat rásimdeý anaǵurlym jeńildetilip jatqanyn málimdedi. Bul jaıly mınıstr halyqqa esep berý kezdesýinde aıtty.

«Ultaralyq qatynas salasynyń úlken bir bóligi – sheteldegi qazaqtar men elge oralǵan qandastar máselesi. Bul baǵyttaǵy barlyq suraqtardy sheshý úshin qazir «Otandastar» qorymen birlese otyryp, birqatar jobalardy qolǵa aldyq. Ózderińiz bilesizder, Úkimet tarapynan bekitilgen «2018-2022 jyldarǵa arnalǵan etnıkalyq qazaqtardy qoldaý jospary» bar. Onyń aıasynda sheteldegi qazaqtardyń qatysýymen kóptegen mádenı-gýmanıtarlyq ǵana emes, bıznes is-sharalar da ótkizilip otyrady», - dedi Aıda Balaeva OKQ alańy arqyly halyqqa esep berý kezdesýinde.

Mınıstrdiń aıtýynsha, elge oralǵan qandastarymyzǵa qujat rásimdeý anaǵurlym jeńildetip, «bir tereze» qaǵıdasy engizilip otyr. Osynyń nátıjesinde qazir qandastar 5-6 memlekettik mekemeni aralap taban tozdyrmaı, barlyq sharýasyn bir jerden sheshetin bolady. Olarǵa qajetti qujattardyń sany da eki esege yqshamdalyp, rásimdeý ýaqyty 6 aıdan 3 aıǵa qysqarǵan.

Sońǵy jańalyqtar