1 Shilde, 09:47 409 0 Jahan Anar LEPESOVA

Ózbekstanda karantın kúsheıtildi

Koronavırýstyń órshýine baılanysty búginnen, 1 shildeden bastap Ózbekstanda karantın kúsheıtildi.

Ózbekstan ulttyq aqparat agenttiginiń habarlaýynsha, respýblıkalyq arnaıy komıssııanyń sheshimi boıynsha  respýblıkanyń barlyq aımaqtaryndaǵy iri bazarlar jáne taýarlar satýmen aınalysatyn iri saýda ortalyqtary aptanyń senbi-jeksenbi kúnderi sanıtarlyq jáne dezınfekııa jumystarynyń júrgizilýine oraı jabylady.

Sondaı-aq, «qyzyl» jáne «sary» sanattaǵy aımaqtarda saǵat 07:00-den 23:00-ge deıin qoǵamdyq ortalarda úsh adamnan kóp kisi toptanýǵa, al 23:00-den 07:00-ge deıin kóshede, kópqabatty úılerdiń aldyna jınalýǵa tyıym salynady. Dese de, 30 adamnan aspaıtyn saltanatty keshter men túrli toı rásimderin sanıtarlyq-gıgıenalyq talaptardy qatań saqtaı otyryp úıde ótkizýge ruqsat etilgen.

Atalǵan sanattaǵy óńirlerde  aptanyń senbi-jeksenbi kúnderi qoǵamdyq kólik qozǵalysyna birshama shekteý qoıylady.

Sońǵy derek boıynsha Ózbekstanda 8,5 myńnan astam adam koronavırýs juqtyrǵan. Indetten 26 naýqas kóz jumdy.

 

Sońǵy jańalyqtar