18 Maýsym, 19:29 823 0 Densaýlyq Araılym Bımendıeva

Elbasy indetten tez arada aıyǵyp ketetinine senemiz – Zarema Sháýkenova

Zarema Sháýkenova, Qazaqstan Respýblıkasy Prezıdentiniń janyndaǵy Qazaqstan strategııalyq zertteýler ınstıtýtynyń dırektory:

– Belgili bolǵandaı, ókinishke oraı, Qazaqstannyń Tuńǵysh Prezıdenti – Elbasy Nursultan Ábishuly Nazarbaevtyń da koronavırýske tapsyrǵan testi oń nátıje kórsetken. Qazirgi tańda Elbasy oqshaýlanyp, qashyqtyqtan el saıasatyna qatysty qyzmetin jalǵastyrýda. Tuńǵysh Prezıdent – Elbasy Keńsesi baspasóz qyzmetiniń habarlaýynsha alańdaýǵa esh negiz joq. Óz tarapymyzdan biz de Elbasymyzdyń jaı-kúıine úlken alańdaýshylyq bildirip, Nursultan Ábishulynyń óziniń fızıkalyq formasyna, sportpen shuǵyldanýǵa edáýir kóńil bóletindigin eskere otyryp, bul indetten tez arada aıyǵyp ketetindigine senim bildiremiz. Únemi eliniń múddesi úshin aıanbaı eńbek etip kele jatqan Elbasymyzǵa zor densaýlyq, qajymas qaırat, bıik rýh, amandyq-saýlyq tileı otyryp, jasalyp jatqan eminiń shıpa bolýyna, juqtyrǵan dertten tezirek saýyǵyp ketýine nıettespiz. Osy tilegimizge barsha Qazaqstan halqy qoldaý bildiretindigine senimdimiz.

Búgingi tańda jahandyq indetke aınalǵan Covid19 pandemııasynyń qarqyny áli de báseńder emes. Geografııalyq turǵydan 213 memleketti qamtyp, vırýsqa shaldyqqandar sany 8,5 mln adamǵa jetip otyr. Qazaqstanda da koronavırýs boıynsha statıstıka kúnnen kúnge ulǵaıyp, qoǵamnyń jáne bılik organdarynyń zor alańdaýshylyǵyn týdyryp otyr. Memleket tarapynan jasalǵan indetpen kúresý sharalary halyqtyń asqan jaýapkershiligimen ushtasýy qajet ekenin sońǵy aılardaǵy tájirıbe anyq ańǵartty.

Osy oraıda, ǵasyr indetimen kúres, onyń ekonomıkalyq, áleýmettik, psıhologııalyq saldaryn eńserý adamzatqa berilgen úlken synaq. Bul synnan súrinbeı ótip, damýdyń jańa belesine kóterilý úshin Qazaqstan halqyna asqan tózimdilik, bereke-birlik, yntymaq, jaqyndaryna, qorshaǵan ortaǵa degen qamqorlyq kórsetý, aıtylyp jatqan karantın talaptaryn saqtaýǵa baılanysty keńesterge asa muqııat bolý qajet.

Sońǵy jańalyqtar