18 Maýsym, 19:07 812 0 Densaýlyq Araılym Bımendıeva

Nesipbek Dáýtaıuly: Elbasy da et pen súıekten jaralǵan adam

– Dúnıe júzin dúrliktirip otyrǵan bul aýrý adamdy jasyna, qyzmetine, áleýmettik jaǵdaıyna qarap tańdamaıdy. Adam ataqty, dańqty bolsa, olar aýyrmaıtyndaı kóretin bir kózqaras bar. Jer betinde ómir súrip jatqan barshamyz Jaratýshynyń aldynda álem úshin, qoǵam úshin, jalpy bizdiń ar-uıatymyz úshin adamnyń barlyǵy birdeı.

Osy kezeńde biz tarıhı, rýhanı qýatymyzdyń álsizdigin sezindik, ıaǵnı eshnársege biz daıyn emespiz. Mynadaı qatty dúrbeleń kelgen kezde biz bárin umyttyq. Ult retinde kim ekenimiz kórinip jatyr, ortaq múdde jolynda emes, árqaısysymyz óz betimizge júrgen sııaqty elesteıdi. El-jurttyń saýlyǵyna qaraǵanda, óz basymyzdyń saýlyǵyn oılap jatyrmyz. El-jurt bolmasa saýlyqtyń keregi ne? El-jurtymyz aman bolsyn deý kerek. Sodan keıin memleket talap etken sanıtarlyq talaptardy oryndaýymyz qajet. Biraq osy talaptardyń aıaq asty qalyp, oryndalmaı otyrǵany qynjyltady. Kópshilik vırýstyń bar ekenine senbeı, mán bermeı, tipti sol oıyna ózgelerdi de ılandyrǵysy kelip júr. Odan bólek, kóshede emin-erkin qydyrystap, qalypty ómirge kóship ketti.

Elbasy da et pen súıekten jaralǵan adam. Prezıdent te, el-jurtymyz da aman bolsyn dep tileımin. Ár adam óziniń ǵana emes, el-jurttyń da amandyǵyn oılap, tilektes bolǵany kerek. Aýyrǵannyń bári aman-esen jazylyp ketsin dep otyrmyz. Qazaqtyń sany onsyz da az. Aýrýdan bir adam ómirden ótken saıyn, sanymyz azaıa beredi. Elbasynyń densaýlyǵyn tileıtin halyq el-jurttyń da amandyǵyn oılaıdy.

Sońǵy jańalyqtar