6 Maýsym, 10:31 842 0 Jańalyqtar Asyl TUMAR

Sapasyz joldar: Jambyl oblysynda 70 laýazymdy tulǵa jaýapqa tartyldy

Sýret ǵalamtordan alyndy
Sýret ǵalamtordan alyndy

Jambyl oblysynda 70 laýazymdy tulǵa sapasyz joldar men qozǵalys qaýipsizdigin tıisti deńgeıde qamtamasyz etpegeni úshin jaýapkershilikke tartyldy.

Jambyl oblysynyń Polıııa departamenti Ákimshilik polıııa basqarmasynyń qyzmetkerleri 5 myń kılometrden astam kólik jolyn tekserip, 5 myńǵa jýyq aqaý anyqtady.

«Jol qozǵalysy qaýipsizdigin qamtamasyz etý maqsatynda oblystyń avtomobıl joldarynda 5365 shaqyrym jol qamtylyp, olarǵa qatysty 787 tekserý jumystary júrgizildi. Tekserý barysynda 4867 aqaý anyqtaldy. Onyń ishinde respýblıkalyq mańyzy bar joldarda – 975 aqaý, oblystyq mańyzy bar joldarda – 536 aqaý, aýdandyq mańyzy bar joldarda – 539 jáne eldi mekenderdiń kóshe-jol toraptarynda 2802 kemshilik anyqtaldy», – dedi Jambyl oblysy PD bastyǵynyń birinshi orynbasary Baqyt Rataev.

Tekserý nátıjeleri boıynsha jol mekemeleriniń basshylaryna 787 uıǵarym berilip, 705 jaýap alynǵan. Onyń tórt júzden astamynda qarjylandyrýdyń bolmaýynan oryndaý merzimi sozylyp jatqany aıtylǵan. Avtomobıl joldaryn jóndeý jáne kútip ustaýda anyqtalǵan kemshilikter boıynsha jergilikti atqarýshy organdarǵa – 87 aqparat, oblystyq jáne aýdandyq prokýratýra organdaryna 26 aqparat joldandy.

«Avtomobıl joldaryn qanaǵattanarlyq jaǵdaıda ustaǵany jáne jol qozǵalysy qaýipsizdigin qamtamasyz etpegeni úshin 70 laýazymdy tulǵa: onyń ishinde joldarda jumys júrgizý, joldarda, temirjol ótkelderinde jol qurylystaryn júrgizý boıynsha talaptardy oryndamaǵany úshin 60 laýazymdy tulǵa jáne joldardyń, temirjol ótkelderiniń jáne basqa da qurylystardyń nemese jol qozǵalysyn retteýdiń tehnıkalyq quraldarynyń jaramsyzdyǵy úshin 10 jeke tulǵa ákimshilik jaýapkershilikke tartyldy», – delingen vedomstvo habarlamasynda.

Sońǵy jańalyqtar