5 Maýsym 2020, 15:45 644 0 Jańalyqtar Asyl TUMAR

Sabaqtan tys sport jattyǵýyn júrgizgen muǵalimge qosymsha aqy tólenedi

Sýret ǵalamtordan alyndy
Sýret ǵalamtordan alyndy

Mádenıet jáne sport mınıstri Aqtoty Raıymqulova memlekettik bilim berý uıymdarynyń pedagogterine sabaqtan tys sport jattyǵýyn júrgizgeni úshin qosymsha aqy beriletinin málimdedi.

Onlaın rejımde ótken halyq aldynda esep berý kezdesýinde mınıstr: «Sport salasyndaǵy jattyqtyrýshy-oqytýshylardyń, muǵalimderdiń, 4 mektep-ınternat-kolledji men sport kolledji tárbıeshileriniń, balalar-jasóspirimder sport mektebiniń jattyqtyrýshy-oqytýshylarynyń jalaqysy kóteriledi. Memlekettik bilim berý uıymdarynyń pedagogterine sabaqtan tys sport jattyǵýlaryn júrgizgeni úshin bazalyq laýazymdyq jalaqynyń (17 697 teńge) 100% mólsherinde qosymsha aqy beriledi», – dedi.

Onyń aıtýynsha sportshylardyń dopıngige qarsy zerthanasynyń, Ulttyq dopıngige qarsy ortalyqtyń qyzmetkerlerine, dene shynyqtyrý jáne sport jónindegi respýblıkalyq oqý-ádistemelik jáne taldaý ortalyǵynyń, Sportty damytý dırekııasynyń qyzmetkerleri men jattyqtyrýshylaryna laýazymdyq jalaqynyń 100% mólsherinde jańa qosymsha aqy belgilengen. Osylaısha, olardyń jalaqysy 2 ese artqan.

«Bul baǵytta jumys jalǵasady. Sala qyzmetkerlerin áleýmettik qoldaý máseleleri biz úshin árqashan da ózekti. Osyǵan baılanysty sala qyzmetkerlerin áleýmettik qoldaý júıesin odan ári damytýdy, jumysynyń ereksheligi bar mamandar úshin tólem máselesin pysyqtaýdy josparlap otyrmyz. Bul mamandyqtyń bedelin arttryyp ǵana qoımaı mýltıplıkatıvti áser beredi», – dedi Aqtoty Raıymqulova.

Sońǵy jańalyqtar