4 Maýsym, 21:03 366 0 Aımaq Anar LEPESOVA

Maqtaaraldyqtarǵa 100 myń teńgelik ótemaqy tólene bastady

Sý tasqynynan zardap shekken maqtaaraldyqtarǵa úkimetten bólingen 100 myń teńgelik ótemaqy berile bastady.

Búginde osy qarajatty berý úshin Jańaturmys, Jeńis, Ferdaýsı, Dostyq, Órgebas eldimekenderiniń 6314 azamatynan qujat qabyldandy.

6020 qujat kóshi-qon polıııasynyń aqparatymen rastalyp, qarjy aýdarý úshin bekitýge usynylǵan. Búgin topan sýdan zardap shekken halyqpen arnaıy kezdesken Túrkistan oblystyq Qazaqstan halyqtary Assamblıasy hatshylyǵynyń meńgerýshisi, Maqtaaral aýdanyndaǵy oblystyq shtabtyń áleýmettik máseleler jónindegi jetekshisi Ǵanı Rysbekov kásipker A.Ýsmanovtyń qory esebinen 5202 otbasyna 1000 AQSh dollarynan berilip jatqanyn da jetkizdi.

Qazirgi tańda 13 aýyldan 5342 qujat qabyldanyp, olarǵa monıtorıng júrgizilgen. Nátıjesinde 4839 azamattyń qujaty rastalyp otyr.

«Búginge deıin 3 transhpen 3375 otbasyna belgilengen 1000 dollar ótemaqy aýdaryldy. Qalǵan januıalarǵa da qarjy aýdarylady. Bul qarjy negizinen tótenshe jaǵdaı jarııalanǵan eldimekenderde topan sý basqan sátte turyp jatqan azamattarǵa tıesili. Al, olardyń arasynda páter jaldap turyp jatqan jandar da bar. Osy máselelerdi qarap, tıisti sheshim qabyldaý maqsatynda aýdanda arnaıy komıssııa qurylyp, jumys istep jatyr. Sonyń nátıjesinde 1438 qujat qaıta qaralyp, 1319-y oń qorytyndy alǵan. Aldaǵy aptada bul jumys tolyǵymen aıaqtalýy tıis. Osy maqsatta Jańajol aýyldyq okrýgine qosymsha 4 bilikti maman bólinip otyr», – dedi Ǵanı Qurmashuly.

Sonymen qatar, evakýaııalyq beketterde ótken kezdesý barysynda buzylyp qaıta salynatyn úılerdiń qujattary túgel bolmaýyna baılanysty qıyndyq týyndap otyrǵany da sóz boldy. Máselen, topan sýda qalǵan 870 úıdiń 4-inde jeke kýálik kóshirmesi, 19-ynda menshik ıesi týraly málimetteri, 7-eýinde memlekettik aktisi, 8-niń tehnıkalyq pasporty joq.

Búginde oblystyq qurylys basqarmasyna 834 úıdiń qujattary tapsyrylsa, 832-si tekserýden ótken, 2 qujat qaıta túzetýge jiberilgen. Sondaı-aq, Ǵanı Rysbekov oblystyq tótenshe jaǵdaılar jónindegi shtab janynan qurylǵan azyq-túlik qoımasynda bolyp, ondaǵy atqarylyp jatqan sharýalarmen de tanysty.

Jalpy qoımaǵa búginge deıin elimizdiń túkpir-túkpirinen 740 tonnadan astam taýar kelip tússe, onyń 320 tonnaǵa jýyǵy evakýaııalyq pýnkterde azamattarǵa taratylyp berilgen.

Aıta keteıik, búginde aýdandaǵy 8 evakýaııalyq bekette 996 azamat ýaqytsha ornalastyrylǵan. Olarǵa kúndelikti qajetti barlyq jaǵdaı jasalýda. Azyq-túlik pen gıgıenalyq zattar der kezinde jetkizilip berilgen.

 

Sońǵy jańalyqtar