4 Maýsym, 19:20 559 0 Densaýlyq Anar LEPESOVA

COVID-19: Qazaqstanda resmı statıstıkadan tys taǵy qansha adam kóz jumdy?

Koronavırýstyń resmı statıstıkasynda tirkelgen 48 adamnan bólek, elimizde indet juqtyrǵandardyń taǵy 37-si kóz jumǵan.

Densaýlyq saqtaý mınıstri Eljan Birtanovtyń aıtýynsha, búginge deıin koronavırýspen tirkelgen 12 124 adamnyń 48-i qaıtys boldy. Bul - naýqastardyń 0,4 paıyzy.

«Árıne, budan bólek 37 jaǵdaıda basqa aýrýdan qaıtys bolǵan naýqasta koronavırýs bolǵandyqtan, olar da tirkeýge alyndy. Biraq, bizdiń resmı statıstıkaǵa kirgizgen joqpyz. Onyń sebebi - Dúnıejúzilik densaýlyq saqtaý uıymynyń tártibi, reglamenti boıynsha dıagnoz qoıamyz», - dedi vedomstvo basshysy.

E. Birtanov Qazaqstanda koronavırýs juqtyrǵandardyń 1 paıyzy ǵana aýyr jaǵdaıda ekenin jetkizdi.  Sondaı-aq,  elimizde 100 myń turǵynǵa shaqqanda vırýstan kóz jumǵandardyń úlesi - 0,3 paıyzdy quraıtynyn atap ótti. Mınıstrdiń sózinshe, bul ózge kóptegen elderge qaraǵanda aıtarlyqtaı tómen kórsetkish.

Aıta keteıik, buǵan deıin Densaýlyq saqtaý mınıstri elimizde koronavırýsty sımptomsyz ótkeretin naýqastardy emdeý tásili ózgeretinin málimdegen bolatyn.

 

Sońǵy jańalyqtar