4 Maýsym, 18:56 2074 0 Densaýlyq Anar LEPESOVA

Koronavırýsty sımptomsyz ótkeretin naýqastardy emdeý tásili ózgeredi – mınıstr

Budan bylaı koronavırýsty sımptomsyz ótkeretin naýqastar úıden emdeledi.  Bul týraly QR Densaýlyq saqtaý mınıstri Eljan Birtanov málimdedi.

«Búgingi kúni elimizde koronavırýs ınfekııasymen 12 124 adam aýyryp, tirkeýge alyndy. Qazirgi ýaqytta osy azamattarǵa qatysty aqparattardy tolyq zerttedik. Olardyń 77 paıyzy sımptomsyz naýqastar dep anyqtaldy. Soǵan qaramastan tirkeýge alynǵan azamattarǵa memleket tarapynan tolyqtaı medıınalyq-dıagnostıkalyq kómek tegin kórsetiledi. Bul medıınalyq kómek tek qana halyqaralyq áriptestermen aqyldasqan, ǵylymı-zertteý jumystaryna negizdelgen klınıkalyq hattama arqyly ótkiziledi. Bul hattamany elimizdiń eń belgili medıına mamandary ázirlep bekitken», - dedi mınıstr.

E.Birtanovtyń aıtýynsha,  atalǵan nusqaýlyq epıdemııa bastalǵannan beri 8 redakııalaýdan ótken. Hattamany qoldanýdyń arqasynda naýqastardyń 58 paıyzy, ıaǵnı 6 288 adam dertinen aıyqty. Qazirgi kúni 5 836 naýqas dárigerlerdiń baqylaýymen em qabyldaýda. 

«Jaqynda biz osy ǵylymı-zertteý jumysymyzdyń negizinde elimizdegi koronavırýsqa qarsy sharalardy ózgertip, jańa tásil engizdik. Ol halyqaralyq standartqa da saı keledi. Biz sımptomsyz naýqastardy aýrýhanaǵa jatqyzbaı jergilikti emhanalarda, úılerinde, ıaǵnı staıonarlyq karantınge jatqyzbaı úı karantıninde baqylaýǵa alamyz. Mundaı naýqastardy baqylaý jaýapkershiligi jergilikti emhanalarǵa júkteledi. Ýchaskelik dárigerler arnaıy daıyndyqtan ótken. Búginde aýrýy jeńil deńgeıdegi naýqastardyń kópshiligi ınfekııalyq aýrýhanalarda jatyr. Biraq, osy aptadan bastap jańa hattamany engizemiz», - dedi mınıstr.

Aıta keteıik, ótken táýlikte elimizde koronavırýs juqtyrýdyń 271 jańa deregi tirkelip, ósim 2,3 paıyzdy qurady. 

Búginge deıin respýblıka boıynsha indetten 6469 naýqas emdelip shyqty. Derti asqynǵan 48 naýqas kóz jumdy. 

Sońǵy jańalyqtar