4 Maýsym, 16:33 349 0 Jahan Anar LEPESOVA

COVID-19: Brazılııada bir táýlikte 1,3 myń naýqas kóz jumdy

Brazılııada ótken táýlikte koronavırýstan kóz jumýdyń 1 349 deregi tirkeldi. Bir kún ishinde 28 myńnan asa adamnyń indet juqtyrǵany belgili boldy. Bul týraly eldiń Densaýlyq saqtaý mınıstrligi málimdedi, dep habarlaıdy RIA Novostı.  

Djons Hopkıns ýnıversıtetiniń dereginshe, Brazılııa koronavırýs juqtyrǵandar sany boıynsha álemde ekinshi orynda tur. Al vırýstan ólim-jitim sany boıynsha tórtinshi orynǵa kóterilgen.

Densaýlyq saqtaý mınıstrliginiń sońǵy málimetteri boıynsha, elde COVID-19 indetine shaldyqqandardyń jalpy sany 584 016-ǵa jetken.  Qaterli vırýstan 32 548 adam qaıtys bolǵan. Al  238 myńnan asa naýqas emdelip shyqty.

Búginde álem boıynsha  6 524 369 adamnan koronavırýs anyqtaldy. Djons Hopkıns ýnıversıtetiniń málimetine súıensek, dúnıe júzinde indet qurbandarynyń sany 386 289-ǵa jetken.

Al elimizdegi epıdemıologııalyq ahýalǵa kelsek, Qazaqstanda sońǵy táýlikte koronavırýs juqtyrýdyń 271 jańa deregi tirkelip, indetke shaldyqqandardyń jalpy sany 12067-ge jetti. Qaterli vırýstan 48 otandasymyz kóz jumdy.

Sońǵy jańalyqtar