4 Maýsym, 15:04 659 0 Bilim Anar LEPESOVA

Aýyl muǵalimderine jalaqy tóleý júıesi ózgeredi

Elimizde aýyl muǵalimderine jalaqy tóleý júıesi ózgerýi múmkin. Bul týraly Facebook jelisinde halyq aldynda esep berý barysynda QR Bilim jáne ǵylym mınıstri Ashat Aımaǵambetov aıtty.

«Aýyl men qala arasyndaǵy alshaqtyqty azaıtý máselesi únemi nazarda. PISA reıtıngi arqyly tek aýyl men qala emes, óńir men óńir arasyndaǵy úlken alshaqtyqty kórip otyrmyz. Bul, árıne, keshendi shara qabyldaýdy qajet etedi. Aýyl men qalanyń qashyqtyǵyn aıtqanda, eń aldymen muǵalim tapshylyǵy máselesi kórinedi. Sondyqtan, Memleket basshysy tıisti tapsyrma berip, aýylda isteıtin muǵalimderdiń jalaqy alý júıesin ózgertýdi usyndy. Bul nege mańyzdy? Óıtkeni, bilim salasynda bir stavka - 18 saǵat. Al shaǵyn jınaqtalǵan mektepterde 18 saǵat bolmaıdy, bir synyp ekinshi synyppen qosylyp oqıdy nemese bala sany az. Sondyqtan da, 4-6 saǵat úshin muǵalim aýylǵa barmaıdy. Muǵalim bolmaǵasyn, bilim sapasy da bolmaıdy», - dedi mınıstr.

Aıta keteıik, buǵan deıin Ashat Aımaǵambetov Qazaqstanda mektep dırektorlary men olardyń orynbasarlary attestaııadan ótkizý ınstıtýty engiziletinin málimdegen.

 

Sońǵy jańalyqtar